吳啟華話如果係依家，一定會配合萬梓良。
由萬梓良（萬子）、鄭裕玲、吳啟華及劉嘉玲於1986主演的經典劇《流氓大亨》正在晚上重播，有不少場面至今仍令人津津樂道，日前播出啟華被控謀殺親父兼自爆玩弄周海媚感情，但最終無罪釋放，飾演其失散兄長的萬子在法庭外將整個垃圾桶掉向啟華再痛毆一頓，啟華當堂額角腫起，效果超逼真原來是真打，事前啟華並不知情，當時啟華嬲得一聲不響駕車離開，萬子其後送上古董錶道歉。
啟華於兩年半前受訪，曾提起此劇，表示對這幕戲歷歷在目，當時他說：「嗰場戲講我喺法庭外無罪釋放好得戚，所以畀萬子打，有武指喺度，佢話唔使度，諗到點打就點打先最逼真喎！點知真拍時萬子真係飛個垃圾桶埋嚟，鍊住我條頸幾乎抖唔到氣，當時我好唔開心，拍戲啫！後來萬子送隻古董錶賠罪。」
到近日劇集翻Hit，啟華再受訪提起此事，已釋懷的他表示認同萬子的做法：「呢個階段再拍呢場戲，我同意萬子嗰種狠勁，都唔死得㗎嘛！效果好都值得！（你個頭腫咗喎！）拍戲係咁，成日會受傷，我同意咁，會好睇，我幾佩服呢個前輩態度認真，值得我哋學習，真係唔錯！係我當時年紀小，少爺脾氣多啲，依家一定唔會咁做，只會盡力配合萬子。」
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|