由女星劉嘉玲、秦沛及謝君豪等演出的英皇娛樂舞台劇《奪命証人》將於今年七、八月在演藝學院演出，今次劇本改篇自阿嘉莎．克里斯蒂的著名劇作，劇情充滿懸疑鬥智，非常精彩！再加上該舞台劇由毛俊輝導演親自改編和執導，以及張叔平的專業美術指導，將會更加引人入勝。
演舞台劇獲益良多
劉嘉玲、秦沛及謝君豪早前為舞台劇拍攝宣傳海報，嘉玲自從演出舞台劇《杜老誌》後便演上癮，更希望每隔兩三年就可以上一次舞台。她指每次為舞台劇排練就等同上了一次演員深造班，學會很多東西，她說：「我好鐘意舞台劇！好享受喺個台上面每秒鐘，又好鐘意一班人一齊排練個兩個月，簡直就係上咗一個演藝人演技深造班，可以提升自己。所以人哋話做舞台劇花好多時間，的確係呀！但係我冇所謂，而且我唔覺得體力上好累，反而喺做舞台劇呢幾個月，我身體比平日更好，因為作息時間好正常，準時返工，準時收工。為咗唔好病，仲會比平日更小心身體，食嘢都食得小心啲，瞓覺又瞓多咗，而且一定要自己早睡早起。」
享受準備與演出過程
至於問到可有機會打破上次演出四十多場的紀錄？嘉玲就表示：「我唔擔心演幾多場，睇主辦計劃啦。打唔打破紀錄唔係問題，我只係負責做好個角色同開開心心去享受排練和演出的過程。今次同上次個班底主幹基本上係一樣，我係好有信心的。」
秦沛驚上台蝦碌
至於今年入行七十年的秦沛，則搞笑指自己是舞台劇新丁，而梁李少霞找他洽談演出時，他自己的心底是非常害怕，後來知道對手有劉嘉玲、謝君豪等好友才首肯答應。秦沛又指今次踏台板他最擔心是自己記不住走位和對白，希望嘉玲及君豪可以好好分享心得，演出時可以不失禮。君豪聞言就表示：「佢點會係新丁呀？Paul哥（秦沛）係前輩中的前輩，我由細睇佢做戲睇到大喎！佢唔好玩我哋啲細我好期待同佢合作，希望佢教番我演技就真！至於嘉玲，自從上次合作，大家就覺得玩得咁開心，一定要再合作，終於大家都等到啦，今次我仲做佢老公，應該會幾有挑戰性。」
----------------------------
東網巨星開咗ig喇，大家快啲follow
https://goo.gl/KGuo2N
|
鍾意就快D Share啦！
|
|
|
