掃呢頁CODE去手機

2018年3月23日 星期五

自誇有天分食呢行飯!蔡楓華呻冇人搵拍戲 __,蔡楓華,

蔡楓華喺4月將會有騷開!資深歌手蔡楓華即將於4月1日和2日聯同陳秀雯、劉雅麗、葉振棠和李龍基等一班歌手在伊利沙伯體育館舉行一連兩場《真·經典電視主題曲 ...


蔡楓華喺4月將會有騷開!


資深歌手蔡楓華即將於4月1日和2日聯同陳秀雯、劉雅麗、葉振棠和李龍基等一班歌手在伊利沙伯體育館舉行一連兩場《真·經典電視主題曲演唱會》。藉機重拾青春回憶之餘,亦回味當年的入行點滴,他說整個過程完全是無心插柳:「我嘅天分係食呢行飯,歌影視播都得!」更叫人不要再錯將他定位為DJ歌手。

蔡楓華自2011年回歸歌壇以來一直保持每年舉行個人演唱會的記錄,問今次是甚麼原因吸引他答應參與群星演唱會?他承認是因為想藉今次的演唱會主題重拾青春回憶,他說:「首先係因為我鐘意唱歌,加上今次嘅主題係劇集主題曲,當年如《IQ成熟時》、《青春三重奏》都係我自己唱主題曲同埋做主角,對我來講係有好深刻嘅回憶,係呢啲歌令到蔡楓華為人所熟悉同走紅,所以我覺得呢個騷可以做。」

《青春三重奏》的確是蔡楓華事業的第一個轉捩點,他認同道:「當時做樂壇新人,好老實講第一隻碟唔係好賣得,只係賣咗幾千隻,好彩有第二次出碟的機會,就係《青春三重奏》。當時呢套電視劇要搵一個男主角,香港電台個總監介紹我去試鏡,就做咗第一男主角。嗰陣對於拍戲我係一張白紙,惟有一路拍一路學,十集劇足足不眠不休拍咗三個月,最後出到來成績非常之好。」如今的蔡楓華依然有戲癮,但就甚少收到劇本邀約,他笑言:「可能因為我畀人歌星嘅形象太重,啲人諗起我都係唱歌。」

他又憶述當年的入行經過完全係無心插柳,形容自己是沒有明星夢的人,他說:「有啲人發夢都想做明星做唔到,我係冇明星夢,但係我偏偏就做到。我嘅天分係食呢行飯,歌影視播都得。」他又強調自己一開始已經是明星:「記得當年係參加電台的歌唱比賽入行,冠軍獎品包咗一張唱片公司嘅合約,所以啲人成日將我定位做DJ歌手,唔係!我係做咗歌手先做DJ,我一踏入電台,當時嘅音樂總監已經話畀我聽,搵我係要做一個star,因為當時電台係需要有star。」

問他近年每年都開個人騷,今年有冇開騷打算?他說計劃中:「暫時要睇邊個場、睇個期同埋各方面配合。我係貴精唔貴多,開騷只係基於一樣嘢,就係我鍾意唱歌,呢個係我老本行,同埋如果你問我有冇信心唱歌,我唔使諗一定答你我好有信心!」他又開到聲最想可以在紅館開多次騷:「2012年開過一場之後都有入紙,可惜唔批。老實講最好年年有得開紅館,嗰度畀到我一種滿足感,當你喺四面台下面條通道着好晒衫,熄燈然後升上台,嗰下係好享受,係其他場都畀唔到。」


來源 source: http://hk.on.cc
鍾意就快D Share啦!