掃呢頁CODE去手機

2018年3月31日 星期六

【爆相爆片】要俾未婚妻披婚紗 陳榮峻陪吳香倫試裙褂甜到漏 __,陳榮峻,吳香倫,

62歲嘅無綫資深演員陳榮峻,與已屆57年、同屬無綫資深演員吳香倫(Helen)譜黃昏戀曲,拍拖三年,婚已經求咗,仲係黃翠如幫手做媒人添。嚟緊就要著手籌 ...


62歲嘅無綫資深演員陳榮峻,與已屆57年、同屬無綫資深演員吳香倫(Helen)譜黃昏戀曲,拍拖三年,婚已經求咗,仲係黃翠如幫手做媒人添。嚟緊就要著手籌備婚禮喇。(新聞連結:http://bit.ly/2ArcWdq )

早前兩人接受田蕊妮主持嘅《1+1的深情》訪問,陳榮峻個仔仲現身,多謝Helen陪爸爸行過人生低谷,跟住阿田又讀出陳榮峻嘅女兒嘅一封信,同樣亦多謝Helen兼祝福佢哋,令陳榮峻同Helen都感動流淚。

婚事籌備得如火如荼,結過婚嘅陳榮峻話好緊張,因為Helen未結過婚,希望可以好似求婚一樣,俾一個美好回憶對方。佢又話希望喺教堂行禮,等未婚妻有機會披婚紗,婚禮預計四、五月舉行。對於峻哥呢份心意,Helen非常感動,亦不諱言遇到陳榮峻之前,其實早已疊埋心水單身,想不到命運有此安排。

今日讀者黃先生就喺灣仔冠南華撞到陳榮峻同準陳太試中式禮服,兩人全程笑不攏嘴,Helen仲試咗幾套「褂皇」、「大五福」(即褂后),精心細選。由於中國人忌諱「返頭嫁」意頭唔好,所以新娘只可以着一次裙褂,試身時點算?唔著下半部分,以拼湊方法去度。繡莊師傅會為新娘預留吋半腰圍「走盞」,所以Helen都係下半身照着便服,上半身着褂。

至於陳榮峻就試咗兩套,其中一套似皇帝衫,好多職員搵佢哋影相,陳榮峻亦十分樂意合照,成間舖都洋溢一片喜氣洋洋。

精選娛聞,喺晒《娛果》

http://fb.com/appledailyent



結過婚嘅陳榮峻話好緊張 (讀者黃先生提供圖片)
(讀者黃先生提供圖片)
Helen仲試咗幾套「褂皇」、「大五福」(即褂后) (讀者黃先生提供圖片)
(讀者黃先生提供圖片)





鍾意就快D Share啦!