網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年3月3日 星期六

【爆相爆片】開騷後都唔攰 G.E.M.陪男友賭廿一點 __,G.E.M.,G.E.M,鄧紫棋,

繼周柏豪去年尾喺澳門開完騷,落賭場玩被讀者「爆相爆片」後(新聞連結:http://bit.ly/2AiJ0f8),今次又有一位歌手喺賭場斷正,佢就係鄧 ...




繼周柏豪去年尾喺澳門開完騷,落賭場玩被讀者「爆相爆片」後(新聞連結: http://bit.ly/2AiJ0f8 ),今次又有一位歌手喺賭場斷正,佢就係鄧紫棋(G.E.M.)同有米男友Mark,兩人喺威尼斯人賭場玩廿一點,G.E.M.身邊有幾個工作人員傍實,生人勿近,夠晒排場,更被讀者金先生透過「爆相爆片」分享。

金先生接受電話訪問表示:「嗰晚半夜1點幾,見到佢哋成班人入賭場,G.E.M.同個男仔坐喺度賭廿一點,都賭咗成個幾鐘,身邊有好多公關圍住,其他人都行唔到埋去。」問呢張枱嘅賭注幾多錢?金先生話:「最少300蚊,見佢贏錢時好高興拍晒手,好似贏咗3,000幾蚊,不過冇畀貼士。」從短片所見,做完騷嘅G.E.M.妝都冇落就趕入賭場,搽咗黑色指甲油嘅手攞住籌碼,戴cap帽嘅男友坐喺身邊似陪賭。

再問到有冇其他賭客認到G.E.M.?金先生話:「入嚟時大陸人好搞笑好低能,畀酒店房卡嗰套佢簽名,佢都簽咗幾個,賭錢嘅時候就冇人埋到佢身。」

G.E.M.被問到係咪發咗新年財?去賭場怕唔怕影響形象?佢以短訊回覆:「自己贏咗1,000蚊,唔介意俾人話賭錢呀!我難得去澳門一次,我在台上都同觀眾講話完咗concert會去賭場玩吓。」講到喺賭場被大陸粉絲圍,G.E.M.表示:「大家都係周末消遣吖嘛,幫大家簽下名,大家開心我都開心,哈哈!」

精選娛聞,喺晒《娛果》

http://fb.com/appledailyent

(左圖:讀者提供圖片) 讀者金先生日前喺澳門賭場撞見G.E.M.及其男友賭錢。(讀者提供圖片)
據金先生所講,G.E.M.玩嘅係廿一點。(讀者提供圖片)
從片中所見,有時見到G.E.M.托頭。讀者提供圖片)
(讀者提供圖片)
金先生指G.E.M.身邊有好多人傍住,其他人埋唔到身。(讀者提供圖片)
(讀者提供圖片)
G.E.M.日前喺澳門舉行演唱會後,去咗賭場消遣。(鄧紫棋Instagram圖片)

鍾意就快D Share啦!