掃呢頁CODE去手機

2018年3月15日 星期四

我的前半生 K.K. Yeung講楊國佳 [壹週刊 - 1462 - 財經] __,M1,

本週日,特意到陸羽茶室歎茶,希望為最後一期《壹》仔內的「中環寸嘴」帶來寫作靈感。聽講陸羽經歷過雪茄林一役後,怕咗啲惹火富豪來飲茶。中環寸嘴我的前半生K ...






本週日,特意到陸羽茶室歎茶,希望為最後一期《壹》仔內的「中環寸嘴」帶來寫作靈感。聽講陸羽經歷過雪茄林一役後,怕咗啲惹火富豪來飲茶。

中環寸嘴

我的前半生 K.K. Yeung講楊國佳

我喺《壹》仔以「中環寸嘴」之筆名寫稿兩年有多,啲朋友成日問我,做乜有咁多料,以為背後有千軍萬馬嘅人發功。唉,知道《壹》仔最後一期,都係時候交代一下我嘅前半生啦。





潘志文喺電視劇《變色龍》嘅金句:

「我唔怕啲契弟,因為我最契弟,哈哈哈!」

我鍾意睇人哋前傳,亦封肥佬黎為偶像,我崇拜肥佬黎嘅作風,何解?嗱,七十年代麗的有套電視劇《變色龍》,劇中潘志文飾演正義凜然的律師卻慘遭除牌,後變得不近人情,其中大結局嘅一段對白最過癮,潘志文講:「我唔怕啲契弟,因為我最契弟,哈哈哈!」肥佬黎同潘志文一樣,名留千古!成功變契哥,失敗咪變契弟囉!嘻嘻!





鄭裕彤吹雞搵一班港商到馬來西亞柔佛投資高爾夫球度假村,我家族都有份參與,特意保留一條毛巾作紀念。

見到肥佬黎攞番個招牌來做,我即刻投稿,呢啲先係 die hard fans嘛!其實《壹》仔創刊嘅年代,亦係我喺北美開山劈石的日子,肥佬黎都有個 exit plan投資外國,細妹喺 Niagara Falls投資酒店,當時已響噹噹,我都要同老細(即老豆楊耀松) present話去嗰邊投資好正,撻肥佬黎佢個朵都幫到我自己,話晒肥佬黎都有國際視野嘛,去 New York sell毛衫同洋人打交道,都算係跑慣江湖嘛!如果無成功例子 quote出來,就會被老細「×」話:「淨係你條傻仔先識睇呢條攤路呀?」





同霍英東返去南沙考察,你睇佢都聽我「點」㗎!

Hong Kong Golf Club呢啲咁威水嘅會,我唔使講都係會員啦,雖然我身份低微,剛由 5 day member轉做 Full day member,近排見粉嶺高爾夫球會可能被政府收回土地起樓,個會有難,做會員都要發吓聲,特意叫老婆寫封信去俾啲橋個會,叫裡面啲權貴睇睇兩個英文字 Minigolf以及 Pitch& Putt,唔識可以上網查 Wikipedia,唔好查 Oxford Dictionary,呢兩個字係同時代巨輪配合,諗吓點將個波會改變吓,唔好令人覺得係高不可攀嘅運動先至係關鍵。上個幾禮拜先入去粉嶺個球會飲杯茶,嘩!只見耆英會員多過乜,不過我同啲自認紳士嘅會員撈唔得埋,反而同霍英東、朱樹豪有往來,佢哋直頭要超越紳士嘅會員,係中國提倡 golf運動嘅先驅,分別喺中山及深圳觀瀾湖搞高爾夫球會。





嗱,呢支係有年份 Montecristo 2003(右),另一支係 Cohiba No.2,後生嗰時,係我學兄 Ma Belle創辦人馬墉傑( Max Ma)喺瑞士讀書時食得過癮,介紹俾徐展堂,再着 David Tang去攞 Cohiba代理來做。

朱樹豪以前喺荃灣開染廠,兩個仔喺多倫多 Upper Canada College讀書,開口埋口都話同加拿大總理 Brian Mulroney個仔同班,以前老朱想搵人投資搞國際學校,我當 research一下,話晒我都喺 UBC大學做過 visiting lecturer,對搞間國際學校嘅資歷架構都有啲說服力,老朱一招非常英明,因為識得邀請我!





喺觀瀾高爾夫球會附近搞國際學校,都研究咗好多年,只是近幾年才落實。

不過見到有份搞高爾夫球會嘅雪茄林喺陸羽被隊冧呢單嘢,腳仔都軟埋,點知打高爾夫會死人嘅咩,喺觀瀾搞國際學校呢單嘢冇再傾落去,本週日,特備兩支雪茄,有年份嘅 Montecristo 2003,同埋用一塊煙葉捲成嘅 Cohiba No.2去到陸羽歎茶,對住雪茄林個座位攞吓啲寫作靈感。徐徐哼出梁醒波歌仔:「擔番口大雪茄,充生晒認經理,撈世界要醒目,一於當玩把戲之嘛……」





楊國佳

楊國佳:已故工廈大王楊耀松長子,自詡為工廈小王子( Princeling),眼見香港各方面之國際水平愈見低落,身為退休人士,要豁出來點醒香港人嘅思維。

撰文:楊國佳 


鍾意就快D Share啦!