掃呢頁CODE去手機

2018年3月17日 星期六

冇人工都做!MastaMic開騷歌迷叫除褲 __,MastaMic,

對音樂好有熱誠。饒舌歌手MastaMic到麥花臣舉行演唱會,大會播出他預先錄製的短片,他透露為演出投資了數十萬,直言:「要做就做盡佢!」戴上黑超的他出 ...


對音樂好有熱誠。


饒舌歌手MastaMic到麥花臣舉行演唱會,大會播出他預先錄製的短片,他透露為演出投資了數十萬,直言:「要做就做盡佢!」戴上黑超的他出場演繹《Rockstar》及《Google Me》等歌曲,更叫座位上的觀眾走到企位區。不少歌迷大叫除褲,他就把Cap帽、衛衣及波鞋拋落台!到了尾聲,嘉賓鄭欣宜現身,二人合唱《Not Afraid》。欣宜大讚MastaMic為開騷付出很多心血,他就表示希望兩人很快有機會於另一舞台合唱。

打和當贏

騷後受訪,問到這次是否要蝕錢?MastaMic表示未計:「但賺嘅機會率唔高。(打和?)有機會,應該唔會太過分。」提到只開一場,他說是盡力而為:「我哋唔係好大嘅Team,要處理好多細節嘢,尋晚我都做到兩點幾,未必可以再處理多啲。」他自爆有失誤,例如甩了一些歌詞,對觀眾有點不好意思。他坦言就算蝕錢都開心:「我搵得好少錢,但搵得嚟造音樂就應該投放多啲落去,如果我負擔到都會做,好過搞個好平嘅騷,但好多效果做唔到。」說到粉絲叫他除衫除褲,他笑言不知為甚麼:「唔知佢哋做乜次次都叫我除褲,但褲係一定唔會除。(上紅館除唔除?)唔好喇啩,去到美加都知!」

攞經驗下次去大場開騷

問到下次是否會到更大的場地開騷?MastaMic直言絕對會,但要有更好的籌備:「呢個規模嘅騷都有好多嘢之前唔知,原來Video Wall要申請,又要有保險,相信去到更大嘅場地會有更多呢啲嘢,再做要諗好好嘅人手,再儲錢,希望有善長仁翁支持。(你有冇人工?)梗係冇」他透露盡量把今次的收入投放於製作上,又十分感激欣宜撐場:「唔只呢個騷,造《Not Afraid》佢都係無條件支持我。」

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!