掃呢頁CODE去手機

2018年3月1日 星期四

內地真人騷爆 seed張栢芝:精神出軌比肉體出軌更嚴重 [壹週刊 - 1460 - 生活] __,栢芝,張栢芝,M1,

最近張栢芝為「愛奇藝」真人騷節目做嘉賓時,和兩位圈中好友李浩林和關心妍齊齊戴上自家品牌的王牌配飾上鏡,曲線宣傳!探熱針內地真人騷爆seed張栢芝:精神 ...






最近張栢芝為「愛奇藝」真人騷節目做嘉賓時,和兩位圈中好友李浩林和關心妍齊齊戴上自家品牌的王牌配飾上鏡,曲線宣傳!

探熱針

內地真人騷爆 seed張栢芝:精神出軌比肉體出軌更嚴重

張栢芝近年創立自家品牌 See Ceci Street,作為老闆娘,當然經常要親身示範做生招牌,囝囝 Lucas和 Quintus更是他的御用模特兒,早前,栢芝上內地節目做嘉賓時,當然不會放過任何機會,叫埋主持李浩林和老友關心妍齊齊戴住配飾曲線宣傳,而栢芝當然都好識做,大方分享愛情觀外,傾到敏感嘅男女問題時,仲話精神上出軌比起肉體上出軌更嚴重!







一向敢作咁言的栢芝在節目中直言精神上出軌比起肉體上出軌更嚴重!





栢芝在節目中真情流露笑唔停。

上節目宣傳品牌

一二年,張栢芝和謝霆鋒結束了六年婚姻,栢芝獨力肩負撫養和照顧兩個囝囝的重擔,而時裝觸覺一向敏銳的她,近年更創立自家品牌 See Ceci Street,靠自己創一番事業,最近她為「愛奇藝」真人騷節目做嘉賓時,就和兩位圈中好友李浩林和關心妍齊齊戴上品牌的王牌配飾:手錶和頸鏈上鏡,曲線宣傳!「 Ceci真係放咗好多心血落去呢個品牌度,啲產品雖然都算中上價錢,但推出至今銷量的確唔錯,仲有唔少高檔品牌搵去傾合作添!」知情人士透露。





栢芝在個人社交網頁上為自家推出嘅品牌 See Ceci Street落力宣傳。





栢芝睇住自己設計嘅頸鏈同眼鏡親身示範做宣傳!





囝囝 Lucas和 Quintus成為品牌的御用模特兒。





最近栢芝趁着假期同家人一齊去新加坡旅行,著住泳衣的她拍片多謝粉絲贈送禮物。





一向喜歡小朋友的栢芝,最近更公開表示 2018年目標是生 BB,當網民問到誰是對象時,栢芝幽默地反問和圈外人不可以嗎?

大談愛情觀

節目中,張栢芝和關心妍要接受李浩林嘅提問,一路玩遊戲一路食吓嘢飲吓酒,一向敢作敢言的栢芝亦都相當識做,大方分享湊仔經和愛情觀,又自認是一個不喜歡浪漫的人。「其實我不是一個浪漫的人,我很討厭人家送花,男生送花,特別是在情人節這樣送花,我馬上就將分數減低,我要他送我就是他的那種愛跟關懷,不是禮物!」節目尾聲,問到認為對方肉體上出軌還是精神上出軌比較嚴重時,栢芝諗都唔諗就話精神上出軌比起肉體上出軌更嚴重!





當年以清純玉女形象出道的栢芝,在節目中自爆當然是公司把它假裝成玉女,好搞笑!

自爆當年扮玉女

節目中段, Jade玩遊戲輸咗,即時接受大懲罰,要唱栢芝首《星語心願》,唱歌對唱家班嘅 Jade來說當然不是懲罰,但唱之前佢竟然話:「太難喇,忘記歌詞!」雖然佢口講話難,但佢一開口就入晒首歌度,連原唱嘅栢芝都話:「唱得比我好聽多喇!是我唯一唱到現在廿年了!」聽到栢芝咁講,李浩林忍唔住叫栢芝唱成名曲喎!而已經絕少開金口嘅栢芝撒嬌:「唱唔到!我都未輸!」結果,李浩林同 Jade聯手夾攻,令栢芝玩輸遊戲,即場要求佢唱《任何天氣》,點知栢芝好爆咁話:「很難唱,那時候還給公司把我假裝成玉女!」





早前霆鋒拍攝新一集《鋒味》邀請容祖兒做嘉賓。





獨力撫養兩個兒子的栢芝,間中有細佬張豪龍幫手湊。





退出樂壇多年嘅謝霆鋒,年頭在頒獎典禮做神秘嘉賓,即時引起話題。

產品多元化

張栢芝最近推出自家品牌 See Ceci Street,賣手錶、手袋、皮褸、帽等等,價錢屬中價,張栢芝為宣傳新品,於 Ig瘋狂洗版,又搵來不少老友以及大仔 Lucas、細仔 Quintus任 model,做生招牌。





太陽眼鏡$5,999





SCS油畫系列斜孭袋$1,480





Rainbow Watch手錶$4,588





Snap Back棒球帽$450





Glory Watch手錶$8,888

撰文、攝影:娛樂組 


鍾意就快D Share啦!