掃呢頁CODE去手機

2018年3月21日 星期三

政Whats噏:政Whats噏:林鄭捐3萬元予民主黨捱轟 __,民主黨,

林鄭月娥(前中)公然捐款3萬港元予民主黨。(李嘉豪提供)特首林鄭月娥公然與民主黨有錢銀瓜葛捱轟!林鄭今晚(20日)出席民主黨23周年黨慶籌款晚宴,逗留 ...


林鄭月娥(前中)公然捐款3萬港元予民主黨。(李嘉豪提供)


特首林鄭月娥公然與民主黨有錢銀瓜葛捱轟!林鄭今晚(20日)出席民主黨23周年黨慶籌款晚宴,逗留約1小時後離開。當民主黨前立法會議員李華明正在台上獻唱《笑看風雲》時,林鄭突然舉手要求捐錢,即席寫下點唱紙願意捐款3萬港元,印象中呢個係現任特首出席政黨籌款晚宴,首次公開捐款予個別政黨。有建制派中人事後炮轟林鄭捐錢,民主黨收錢嘅做法離譜,直斥政治倫理淪亡,有網民更話林鄭呢個做法,係咪預視以後出席唔同政黨籌款,都會一視同仁捐錢?

林鄭今日率領大批政府高官出席民主黨籌款晚宴,包括受僭建醜聞纏身嘅律政司司長鄭若驊,而林鄭身處嘅主家席,兩邊係民主黨主席胡志偉及海洋公園前主席盛智文,同坐主家席還有「民主阿婆」前政務司司長陳方安生、民主黨前主席劉慧卿等,其中林鄭更一度同民主阿婆握手。林鄭事後更於Instagram發貼文,上載出席民主黨籌款晚宴嘅相片,其中一個hashtag為「大和解」。

林鄭捐3萬港元予民主黨嘅消息曝光後,建制派大為詫異。有建制派中人話,林鄭號稱嘅管治新風格,莫非就係公開捐款予個別政黨,與個別政黨喺陽光下眉來眼去?

有地區人士則揶揄林鄭,佢哋多次要求港府就財政預算案補鑊,向全民派錢數千元,但都不得要領,言猶在耳,林鄭今日二話不說就自掏腰包捐錢予民主黨,該名地區人士憤憤不平話,又唔見林鄭喺庫房盈餘爆燈下,對普羅市民訴求慷慨啲。


來源 source: http://hk.on.cc
鍾意就快D Share啦!