網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年4月22日 星期日

張可頤信唔會被待薄 張家輝豪玩1.2億 __,家輝,張可頤,張家輝,

張可頤好開心可以同張家輝合作拍片。演而優則導的張家輝第3次執導演筒,「新生兒」《低壓糟》即將與觀眾見面。家輝今次對自己的「出產」非常看重,形容整套電影 ...


張可頤好開心可以同張家輝合作拍片。


演而優則導的張家輝第3次執導演筒,「新生兒」《低壓糟》即將與觀眾見面。家輝今次對自己的「出產」非常看重,形容整套電影「一針一線」都出自自己的心血。「閉關」經年寫劇本到籌拍,上至劇本下至演員服裝,他都愛「話事」,就如戲中扮演警界高層的張可頤的角色造型,家輝亦絞盡腦汁:「佢位高權重,角色設定係一位西化女性。我唔要佢着黑色套裝,要佢着高踭鞋,啲衫鮮色仲要唔靚唔着。」

每個演員都有驚喜演出

較上部執導作品製作費高出1億(據悉製作費高達1.2億),家輝今次相當「任性」,凡事都要達到自己要求,猶幸有班相當合作的台前幕後,他有感自己仿如小朋友走進嚮往已久的遊樂場「任玩」。對於自己的創作,家輝有一份執着與堅持:「即使劇情講只係攞衫去洗衣店洗嘅,我自己都親身演繹好幾次,要完全掌握人物嘅心態。今次跟足劇本拍嘅起碼有九成,我將主角好似徐靜蕾同苗僑偉(三哥)以往熒幕好人形象完全撕毀,例如三哥演嘅江湖大佬以前係警察,跟住迷失變節,變咗冇靈魂咁過住追悔人生,佢就從來冇演過呢類角色喇,各演員都畀到驚喜我。」

對演技追求從未停止過

一如過往,家輝結局留有伏線,讓觀眾有主觀的幻想空間。問是否「名正言順」開續集,他笑答:「呢樣嘢從來都係由觀眾主導決定嘅,唔係話想開就開到。(再有機會仲想執導咩題材?)當然都有啲故事喺度發酵緊,但又唔一定要拍到,我對當導演其實冇乜嘢心,反而對演員條路追求就從未停過。」

「我好奇佢點解搵我」

身為女主角的張可頤(Maggie)自電視劇《十萬噸情緣》後相隔15年再與家輝合作。談到自導自演的張家輝,她笑說:「基本上佢冇乜點變,但以前唔會指點我點演戲。佢對所有嘢都好認真,連演員點講一句對白都理埋,又好知道成個劇本。(佢搵你即刻應承?)佢拍開警匪動作片,我好好奇佢點解搵我,所以答允。(片酬吸引?)咁我信佢唔會待薄我嘅。」

場地提供:馬哥孛羅香港酒店


來源 source: http://hk.on.cc
鍾意就快D Share啦!