掃呢頁CODE去手機

2018年4月17日 星期二

【爆相爆片】47歲鍾麗緹服侍小鮮肉老公試衫 似家姐陪細佬 __,鍾麗緹,鍾麗,

47歲鍾麗緹後生時做過性感女神,前年梅開三度嫁細自己12年嘅小鮮肉、大陸藝人老公張碩倫,兩夫婦經常出雙入對晒恩愛,做咗大陸新抱嘅緹緹,日前陪老公現身香 ...


47歲鍾麗緹後生時做過性感女神,前年梅開三度嫁細自己12年嘅小鮮肉、大陸藝人老公張碩倫,兩夫婦經常出雙入對晒恩愛,做咗大陸新抱嘅緹緹,日前陪老公現身香港行名店,被讀者張先生透過「爆相爆片」分享,仲話小鮮肉好似大爺咁,試衫都有老婆、助手同店員服侍。

當日下晝約2點幾,緹緹同小鮮肉老公現身ifc商場,同行仲有一個助手做跟班,讀者接受電話訪問表示:「見到佢哋入咗一間名店,緹緹純粹陪老公睇衫,佢好隨意喺店內行咗一個圈,揀吓啲鞋,跟住就坐低陪老公試衫,佢老公試完外套又試裇衫又試褲。」

從讀者提供短片所見,緹緹同助手幾乎全程坐喺度陪試,有兩名店員貼身服侍張碩倫,攞咗幾件外套畀佢揀,讀者表示:「佢喺試身室換咗衫,出嚟打個圈畀老婆睇,前前後後試咗成20分鐘,兩公婆都係唔啱心水。」問到緹緹有冇幫老公揀衫?讀者話:「見到都係老公自己揸主意,老婆坐喺度等,好似家姐陪細佬揀衫咁,最終大少爺都係揀唔唔啱。」

緹緹同第二任老公嚴錚所生嘅三名女兒,都改埋跟現任老公姓張㖭,不過兩夫婦拍拖行街就冇刻意晒恩愛,讀者話:「初頭兩個都一齊行,但冇拖手,入到店內就各有各睇,睇完出嚟老公行先,老婆隨後行,冇乜點晒恩愛。」着bling bling闊牛褸嘅緹緹,打扮後生咗差唔多十年,小鮮肉老公着白裇衫襯黑褲用斜孭袋,好有國產味。

精選娛聞,喺晒《娛果》

http://fb.com/appledailyent



鍾麗緹同老公張碩倫睇鞋睇衫。(讀者提供圖片)
(讀者提供圖片)
讀者話張碩倫成個大爺咁,好多人服侍。(讀者提供圖片)
(讀者提供圖片)
鍾麗緹着bling bling褸,張碩倫白裇衫襯黑褲、斜孭袋,拉近外觀年齡。(讀者提供圖片)
夫婦兩人經常晒恩愛,連雪糕都係兩份食。(ig圖片)
(ig圖片)
(ig圖片)

鍾意就快D Share啦!