掃呢頁CODE去手機

2018年4月29日 星期日

6號有個絕世好女友 網友:幾時先肯娶人! __,

喂呀,想閃死人咩!唔少男士都想自己嘅另一半係「絕世好女友」,咁「絕世好女友」有咩特點?好簡單,細心、溫柔、體貼,最好適當嘅時候就要畀啲驚喜出嚟!但現實 ...


喂呀,想閃死人咩!


唔少男士都想自己嘅另一半係「絕世好女友」,咁「絕世好女友」有咩特點?好簡單,細心、溫柔、體貼,最好適當嘅時候就要畀啲驚喜出嚟!但現實係,講就容易,真係咁易做到同咁易搵咩?不過藝人陸浩明(6號)就好幸運,因為佢真係搵到「絕世好女友」呀!

早前6號39歲生日,咁啱嗰段時間佢又要去日本拍節目,而女友Ayan就做埋「跟得女友」陪6號一齊去,呢吓Ayan已經冇得輸!之後6號就喺網上甫咗段片,晒出Ayan送畀佢嘅禮物,片中6號話每年Ayan都會預備咗一個拆禮物嘅環節,佢仲話Ayan話自己冇時間,所以都冇準備啲咩禮物。但係之後Ayan都送咗一堆小禮物,上面仲寫上有意思嘅字句,例如「人生百味都要細細品味」點知原來係包納豆、「年年有你十全十美」就送咗個粉紅色粉盒,呢份禮物真係夠晒意思,搞到6號都話:「嘩!我點用呀?」之後Ayan仲送咗糖、一個寫上「最佳男朋友」鎖匙扣,6號就話呢份禮物最鍾意,個樣不知幾Sweet!當然最後就唔少得Ayan自製嘅生日卡,嘩!雖然啲禮物細細份,但心意最緊要呀,睇得出Ayan真係為6號花盡心思喇!

當6號以為咁就完,仲話:「冇喇?」Ayan再送上一份包得好靚嘅禮物,一打開原來係一部靚相機,難怪6號都嘩咗聲:「你買咗呢個?你真係捨得呀!呢份真係大禮物呀!」6號個樣真係驚喜到不得了,開心到成個小朋友,最後當然唔少得嚟個合照好多網民都話好羨慕6號有個好女友,網友都問佢幾時先肯娶人呀!

網民有話兒:

IRXX BVXX:你兩個好鬼sweet!

KelXX AXX: 好貼心嘅女朋友。

KIVBXX MXXX:睇得出Ayan真係為6號花盡心思喇!

KICVXX GMM:6號唔好再等喇,快啲早日同人拉埋天窗

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!