近期唔少九十代年歌手返晒出嚟，黎明詩、黃翊、洪楗華都出嚟唱番兩咀，真係集體回憶返晒嚟，不過講到九十年代歌手，真係不得不提下蔡興麟，當年連軟硬天師首《廣播道Fans殺人事件》入面都有句歌詞「蔡興麟我哋支持你！」，當年佢份量真係舉足輕重。
蔡興麟1990年參加全美華裔青年歌唱大賽獲得冠軍，1992年美國返港後推出首張唱片《為了你，為了我》，唱到街之巷聞一炮而紅。之後又同彭家麗合唱咗一首情歌《現代愛情啟示錄》，真係唱K必備金曲，加埋佢精緻帥氣既外貎，再加上一頭長髮，所以被封為情歌王子，又或者「港版木村拓哉」。
1992年一個電台搞咗個夏日綠游游活動，佢仲有機會同歌神張學友、張智霖一齊影咗張泳褲大合照，雖然係靠邊站但相信呢張相大家都好有印象，因為係得佢上身加咗件Top，相當鍚身。1995年蔡興麟仲有機會同天后梅艷芳喺一個限賑災活動合唱咗一首《心仍是冷》，呢啲機會真係唔係人人有，就係咁佢同梅姐Friend仲埋。
不過，1995年蔡興麟就返咗內地發展，仲以唱歌同拍劇雙線發展，可以話係第一代返內地掘金藝人。不過講蔡興麟就唔可以唔提埋佢阿媽，因為佢阿媽就係香港粵語片藝人沈月華，姨媽就係60年代粵語片藝人沈芝華，真係系出名門呀。
講開蔡興麟，就要講埋陸家俊，佢除咗同樣被軟硬唱成「陸家俊我地支持你」外，連組合 I Love You Boyz喺廣播劇中，少爺占都叫「陸家俊」， Donald就叫「蔡興麟」，可見兩位90年代歌手個份量真係十足。 陸家俊1990年以15歲之齡時參加華星新秀歌唱比賽得亞軍，佢嘅成名作《依然深愛你》同《十八歲的憂鬱》真係冇得輸，不過最可惜係佢1994年因拍攝歌曲《龍吐珠》MV時受傷最終更退出娛樂圈，去咗到美國讀書，好多人依家都好掛住佢。
---------------------------
東網巨星開咗ig喇，大家快啲follow
https://goo.gl/KGuo2N
|
鍾意就快D Share啦！
|
|
|
