掃呢頁CODE去手機

2018年4月10日 星期二

放棄近億收入!張家輝為導演夢唔覺肉痛 __,家輝,張家輝,

張家輝再追導演夢,執導新片《低壓槽》。影帝張家輝為再追導演夢,用兩年時間推掉近億片約來執導新片《低壓槽》,更自爆是「獨裁者」,無論是監製鍾珍、好戲之人 ...


張家輝再追導演夢,執導新片《低壓槽》。


影帝張家輝為再追導演夢,用兩年時間推掉近億片約來執導新片《低壓槽》,更自爆是「獨裁者」,無論是監製鍾珍、好戲之人張可頤、還是苗僑偉等都要聽他指令,張家輝表示感激眾人對他的包容。

 

兩年冇簽片約

今次是家輝第三次做導演,片酬以千萬計的家輝為全程投入該片的籌備及正式拍攝,有近兩年時間沒有簽其他片約,失去的片酬加起來,分分鐘接近《低》片製作費的一億二千幾萬!家輝坦言:「真係要同各位老闆講聲唔好意思先。(冇咗咁多錢會肉痛?)為理想就唔會肉痛。(製作費比上次嘅《陀地驅魔人》多咗成億,有壓力?)又冇,我反而覺得今次好似小朋友喺嘉年華會任玩咁,監製鍾珍縱容我,由我去決定要啲乜、同係咪要重拍。」

凡事親力親為

為邀得心儀演員演出,家輝表示自己試過遊飛機河,專程去同演員傾戲及游說對方演出,但過程並不順利:「我都係個『有禮導演』,試過好似三顧草廬咁去搵演員,不過都慘食檸檬,但冇辦法,大家都有權選擇嘛。」對於今次的「張家輝出品」,家輝直言自己不喜歡接受別人幫忙:「即使係劇本內嘅一個小角色,我都會自己代入去演一次,成日匿埋喺房自言自語。就算對住苗僑偉、張繼聰同張可頤呢啲好戲之人,我都算『獨裁』㗎,好多謝佢哋嘅配合。」

被爆難服侍

身為女主角的張可頤當着家輝面前,亦大爆對方「難服侍」:「佢喺片場唔會鬧人,只會用『有效率』嘅聲線同大家講嘢。我拍戲咁耐,都係第一次遇到導演要我跟住佢嘅要求去演(戲),不過佢待人處事好直接,唔會有多餘嘅粉飾。有時大家聽唔明佢講乜,但我值錢嘅地方就係聽得明佢囉!」

場地提供:馬哥孛羅香港酒店

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!