掃呢頁CODE去手機

2018年4月3日 星期二

【林子善結婚】兄弟馬明預頂酒 鄭嘉穎笑言:上次佢飲醉攬住我 __,馬明,鄭嘉穎,嘉穎,林子善,馬國明,

「洪爺」林子善去年十月同拍拖5年嘅圈外女友董佩欣(Kary)簽紙結婚(新聞連結:https://bit.ly/2h0qnoE),今日於將軍澳皇冠假日酒 ...


「洪爺」林子善去年十月同拍拖5年嘅圈外女友董佩欣(Kary)簽紙結婚(新聞連結:https://bit.ly/2h0qnoE),今日於將軍澳皇冠假日酒店接新娘兼補擺喜酒,早上10時15分,子善與Kary及18名兄弟姊妹落樓會見傳媒,姊妹團全是圈外人,而兄弟方面則有唐詩詠、鄭嘉穎、馬國明、黃長興、袁偉豪、黃嘉樂等。

一對新人穿上傳統嘅中式裙褂同禮服會見傳媒,見到新娘子戴住一隻金豬,兩條金手鏈五對龍鳳鈪,袁偉豪擔任伴郎,佢哋仲應傳媒要求影大合照,影完相後,新郎新娘就要折返房間繼續斟茶,留下一眾兄弟接受訪問。

詩詠表示,接新娘時好順利,好輕鬆,佢話:「我哋都係俾人玩啫,袁偉豪同黃嘉樂就負責食鹹竹蜂同wasabi,好少事啫,好簡單,頭先大家仲要試拉一字馬,但就冇人拉得到,冇人做得到。」馬明就話其實最重要嘅當然係子善嘅「愛的宣言」,問到有冇聽到好感動?佢哋異口同聲就話:「冇喎,係子善講到眼濕濕囉,我哋就喺到笑之嘛!」詩詠話:「今日咁輕鬆,發現其實都唔使要咁多兄弟,我哋今日都係負責做後勤,馬明就話今晚要負責頂酒喎!」

馬明搶答:「係呀,我平時好少飲㗎,今晚就飲晒一世嘅quota。」嘉穎就話好少見到馬明飲醉酒,對上一次已經係多年前,當時拍緊《鐵馬尋橋》嘅煞科宴,佢仲攬住我係咁講嘢,馬明就話:「其實我成日醉,你哋冇人知啫!」成班兄弟聽到就笑晒,仲講笑話今晚馬明飲醉,應該唔會攬嘉穎喇喎!

精選娛聞,喺晒《娛果》

http://fb.com/appledailyent

攝影:林賓尼
林子善今日同老婆Kary補擺喜酒。
兄弟團有唐詩詠、鄭嘉穎、馬國明、黃長興、袁偉豪、黃嘉樂等。
姊妹團全是圈外人。
一對新人影相後留低兄弟接受傳媒訪問。
唐詩詠
鄭嘉穎

鍾意就快D Share啦!