網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年4月2日 星期一

楊證樺直升機求婚!沈可欣憶述囝囝險出事 __,

楊證樺一直冇求婚,今次佢就搞咗個直升機求婚圓老婆沈可欣夢呀!由田蕊妮(阿田)主持嘅無綫節《1+1的深情》每一集都會請嚟圈中情侶或者夫妻分享愛情故事!而 ...


楊證樺一直冇求婚,今次佢就搞咗個直升機求婚圓老婆沈可欣夢呀!


由田蕊妮(阿田)主持嘅無綫節《1+1的深情》每一集都會請嚟圈中情侶或者夫妻分享愛情故事!而呢集就有大家都認得佢哋但可能未必知道佢哋係夫妻嘅資深綠葉演員楊證樺同沈可欣(阿沈)喇!

證樺曾有逾30個女友

楊證樺原來喺10幾年前對阿沈一見鍾情,但係要講蘊釀愛情就係拍無綫劇《再戰明天》,兩人當時住同一區,證樺就車阿沈返工放工最終撻着,喺2015年結婚!不過證樺情史多多,之前有過30幾個女朋友,阿田問到證樺同啲前度有咩唔同時,佢就竟然話老婆「師奶仔」,話佢買包尿片為咗慳1蚊都肯行多半個鐘,不過佢話鍾意老婆咁!

以為囝囝離世

要講到佢哋最難忘嘅事,就係曾經差啲經歷生離死別!佢哋回憶當時囝囝1歲半時突然發燒,朝早睇過醫生,但晚上繼續發燒,證樺就揸車送BB去醫院,點知囝囝突然失去知覺,喺阿沈身邊暈咗,阿沈當時已經淚流滿面,佢話:「以為BB走咗(離世),你嚟咗一陣就走喇?」過10幾秒左右,BB開始喊番,但到咗醫院BB又再有事,嘴唇發紫,不過幸好最後冇事!雖然時間好似好短,但對佢哋講絕對係畢生難忘,阿沈話:「生離死別原來咁近!」佢哋都話經歷過,先真正明白「珍惜」係好重要!

求婚彌補遺憾

雖然佢哋註咗冊、擺過酒、生埋仔,但原來證樺冇向老婆求婚,所以證樺就搵埋當日婚禮嘅兄弟團包括楊明、黃建東等人同埋姊妹團,仲Book咗架直升機申請埋禁區紙畀驚喜阿沈,彌補遺憾!阿沈着上婚紗矇眼去到求婚地點,當佢除開眼罩時一面難以置信,佢笑言:「我講吓㗎咋!」證樺揸住束花跪地求婚,阿沈高呼:「我願意!」佢見到班好友喺晒度非常開心,而上到直升機,阿沈更淚流滿面,非常感動!

阿田上載「婚照」

而「兼職」攝影師嘅阿田就喺Instagram上載一對「新人」合照,留言:「她很感謝我們的安排令她過了一個不平凡的一天,留下了非常美好的回憶。但其實我是打從心底裏感謝每一對到來的情侶、夫妻。你們對我的信任在鏡頭前分享故事,絕對不是一件容易的事。

謝謝你們能與我們分享愛。」網民都讚呢一對好感動,祝福佢哋一家永遠幸福呀!


來源 source: http://hk.on.cc
鍾意就快D Share啦!