掃呢頁CODE去手機

2018年4月16日 星期一

祖兒爛裙差啲見唔到人 靠助手「搶救」 __,祖兒,容祖兒,

最緊要係冇走光!《第22屆全球華語榜中榜暨亞洲影響力大典》昨晚在澳門威尼斯人金光綜藝館落舉行,歌后容祖兒、李克勤、泳兒都有出席。克勤跟祖兒分別奪得「榜 ...


最緊要係冇走光!


《第22屆全球華語榜中榜暨亞洲影響力大典》昨晚在澳門威尼斯人金光綜藝館落舉行,歌后容祖兒、李克勤、泳兒都有出席。克勤跟祖兒分別奪得「榜中榜最佳男、女歌手」,兩人一同上台接受獎項。克勤同時憑廣東專輯《30克》獲得「榜中榜最佳專輯 港台内地」,另一位得獎歌手為薛之謙。

克勤分享獲獎感言時,打趣到很高興和這麼年輕歌手一同得獎,薛之謙秒回:「我反而要多謝老師你(克勤),因為《醜八怪》就完全是你把它唱紅的。」彼此還在台上相約找時要寫一首豬八戒,二人的粉絲即時起哄。克勤另透露現正積極籌備全新國語專輯,今次會走出錄音室,到內地不同地方找新元素,不過歌詞概念就先賣關子,希望將來會帶着新專輯再次出現頒獎禮。

泳兒自爆聲帶出現過狀況

泳兒今次亦有斬獲,得到「Channel V傳媒推薦歌手 港台内地」,泳兒特地以一身中性打扮示人,予人感覺剛柔並濟,狀態大勇,但原來有苦自己知。泳兒說:「之前聲帶出現過狀況,我覺得作為一個歌手,聲帶好緊要,所以呢排咁樣好大壓力。不過依家康復咗,好開心繼續唱更多好歌給大家聽。」回勇的她還預告自己4月底有新歌,叫大家多多留意。

祖兒大讚助手識「變魔術」

至於祖兒除奪得女歌手大獎,一身花仙子造型也被讚賞艷壓全場。祖兒聞言即分享一件小意外,祖兒說:「今天嘅裝扮好有春天感覺,自己都好喜歡。不過要特別感謝我嘅助手,本來喺走紅地氈嘅時候,呢條裙爛咗,險些就唔可以見人,嗰一刻我嚇死咗。不過助手就好似變魔術一樣,將佢補回來,真係要多謝佢!」而祖兒又表示最開心是獲頒另一大獎,「亞洲影響力最佳女歌手」。她的致謝辭相當感性:「身為一個歌手,以前我目標係將歌唱好就可以喇。而如果你覺得我啲歌好聽,着啲衫好睇,能令你開心,我當然也會好開心。但如果有一天有歌迷話我畀佢有所啟發,令佢繼續努力,往自己嘅夢想去追,我覺得呢個會有更大嘅滿足感。我會不停努力咁向呢個方向進行,畀我對工作、人生嘅態度啟發到喜歡我嘅人,鼓勵佢哋,令佢哋有快樂嘅感覺去面對每一天的挑戰。」


來源 source: http://hk.on.cc
鍾意就快D Share啦!