吳海昕話好愛沈震軒，喺戲入面。
藝人吳海昕（Sofiee）上電台接受訪問分享愛情觀，她表示為歌手布志綸浪漫愛情新歌《經得起變化》的MV即將面世，整個拍攝團隊更為此遠赴布拉格拍攝，Sofiee笑話短短10日旅程內經歷了四季：「MV入面有好多浪漫鏡頭，記得第一日落雪，第二日放情，之後嗰兩日又落葉又落雨，攞晒咁多個天氣拍好抵！自己都鍾意去啲有雪落嘅地方，有情意結，雖然之前做空姐，但就未去過呢度。」
她又指今趟拍攝之旅可謂「一舉兩得」，亦有在當地為另一部電影拍攝一部分的戲份：「但只係得我嘅部分，因為男主角都未搵到，哈哈！可能年尾就搵到」咁現實中有搵到另一半？Sofiee怕醜話現時好忙，事業為主：「做演員好處係可以喺戲劇世界內得到想要嘅感情。（咁咪好易愛上對手？）都要拎得起放得低嘅，就好似最近同沈震軒拍咗套網劇，係飾演情侶，戲入面我好愛佢㗎！」問到可有機會戲外再發展？Sofiee抵死大爆沈震軒有好多追求者，與他只是私下好朋友，會交流音樂同戲劇知識，因為都會跟對方合唱網劇的主題曲。
來源 source: http://hk.on.cc
|
鍾意就快D Share啦！
|
|
|