掃呢頁CODE去手機

2018年4月14日 星期六

提名金像獎新晉導演阿澤唔稀罕攞獎:驕傲冇任何妥協 __,阿澤,金像獎,杜汶澤,

■杜汶澤沒有後悔演藝事業受佔中拖垮,認為社會撕裂是沒法彌補,他也不會選擇和解。攝影:陳慧安【第37屆香港電影金像獎之新晉導演篇】現年45歲的杜汶澤,由 ...


■杜汶澤沒有後悔演藝事業受佔中拖垮,認為社會撕裂是沒法彌補,他也不會選擇和解。攝影:陳慧安

【第37屆香港電影金像獎之新晉導演篇】現年45歲的杜汶澤,由公仔箱跳入大銀幕,打滾影圈18年,卻因為敢言撐佔中,令演藝事業受牽連。阿澤沒為五斗米折腰,反而憑電影《空手道》角逐明晚舉行的「第37屆香港電影金像獎」的新晉導演(詳見附表),他看淡結果,只驕傲拍了這部電影:「完全反映到冇受任何委屈,亦冇任何妥協。」當中唯一妥協是不夠成本,要刪改情節。 

杜汶澤今年憑《空手道》爭新晉導演,對手有《29+1》的彭秀慧、《黃金花》的陳大利等,五個名字中,阿澤的名字見報率肯定稱冠。亞視藝員出身的他,機緣巧合於99年接拍林嶺東執導的《屍氣迫人》,在影圈打滾18年,演而優則導,前年於馬來西亞自編自導自演賀歲片《開飯》,直到今屆金像獎才獲提名新晉導演。



■杜汶澤(中)前年在大馬首次執導《開飯》,並邀得陳茵媺產後復出。劇照
■《空手道》是杜汶澤認為值得驕傲的作品,他希望女主角鄧麗欣可封后。劇照

拍得真實

阿澤日前在黃竹坑受訪時坦言:「直頭覺得核突啦,我都45歲人,仲提名有個『新』字,好可怕,原島大地當年提名最佳新演員時得幾歲。今次提名名單,唔知係咪我最老,定彭秀慧老過我?睇佢個樣老過我。」可會覺得提名是贈興?他說:「咁都開心嘅,話你做得好嘛,我諗可能對手少、選擇少,我先有機會入圍。」他並不介意會否得獎:「獎項要畀有需要嘅人,攞完對事業好大幫助就好想攞,但我係唔會有分別。呢幾年見步行步,開心咗,冇咁多包袱,未來都係咁。」

所謂「知己知彼,百戰百勝」,阿澤卻沒興趣觀摩其他對手執導的電影,他說:「我喺飛機睇咗《29+1》,唔知氣流定乜嘢原因冇睇晒,好似眼瞓。」阿澤沒投票資格,如可以投票,他一定投自己:「《空手道》係我唯一有睇過嘅一部戲,我覺得部戲好多不足,亦真正反映我內心。如果部戲唔夠好,即係我唔夠好,我最驕傲嘅地方係我拍得好真實,完全反映到冇受任何委屈,冇任何妥協。」



■杜汶澤多得背後有太太田蕊妮支持,令他堅持下去。互聯網圖片
■杜汶澤演而優則導,加上成長閱歷令他更踏實。

拒絕和解

阿澤續說:「電影製作過程中冇妥協係好可怕,唯一妥協係成本唔夠,cut咗好多情節。我喜歡部戲夠簡潔,唔覺呢部係拍得好好嘅一套戲,但我覺得好驕傲拍咗呢部戲。」猶豫過後,他決定明晚踏上金像獎紅地毯:「責任嚟,唔係去緊一個你好想去嘅地方,唔係見到一班你好想見嘅人。我喺fb見到好多人貼導演會好開心啲相,同一班人,我好多人唔想見到,其實社會撕裂無法彌補、無法和解,我唔會選擇要去和解。」

問阿澤上台致謝辭時可會爆seed?他直言:「理應去準備,我唔去準備,當係善待自己方法。」更指萬一遺漏了答謝朋友,大可回家後透過社交網更新名單補數。此外,阿澤前晚於fb貼出為金像獎場刊撰寫的文章,自爆當年上位時為錢拍戲,「直到佔領事件之後,我幾乎失去了一切,產量由每年主演七、八部戲,下跌到一年一部。」又謂拍攝《空手道》得到了金錢以外的滿足感。

採訪:陳杰

化妝:Anita Lo




鍾意就快D Share啦!