掃呢頁CODE去手機

2018年4月25日 星期三

原來做過鄰居!李克勤戥宣萱失落視后唔抵 __,克勤,視后,宣萱,李克勤,

李克勤好撐宣萱呀!歌手李克勤到電台擔任嘉賓主持,邀請宣萱做嘉賓。克勤指二人約在94年拍攝電視劇《鐵膽梁寬》,但當時未算熟,直至後來成為鄰居幾年才熟絡。 ...


李克勤好撐宣萱呀!


歌手李克勤到電台擔任嘉賓主持,邀請宣萱做嘉賓。克勤指二人約在94年拍攝電視劇《鐵膽梁寬》,但當時未算熟,直至後來成為鄰居幾年才熟絡。宣萱指當年不夠錢買心儀單位,之後該單位被克勤買了:「後來我買咗佢隔籬再隔籬個單位,沙士嗰陣業主平讓,不過之後我離開TVB就搬咗。」克勤指他們和汪明荃等人組成了Big Eater Group,每個月都會舉行大食會。

提到宣萱失落視后,克勤直言:「梗係唔抵!(有冇幫佢爭取?)如果爭取到就爭取咗!佢一早應該攞!不過佢攞過都唔志在。」宣萱聞言笑說攞過都可以再攞,冇人嫌多。至於二人可想再合作?預備做導演的克勤笑言電影方面不敢累人:「我拍咗一套先,唔想佢辛苦。電視就唔敢啦,我一把年紀,捱唔到。」宣萱笑言有地位就可以傾,克勤即說: 「係契仔,又唔係親生仔!」宣萱說:「親生仔有啲嘢要啃,熟熟哋就啱。」

至於今年Now播放世界盃,克勤自言唯一參與就是唱主題曲,因為由譚詠麟提出合作:「我話唔同公司得唔得?佢話事在人為啫。我問老闆,老闆就話譚生開口一定冇問題。(參與咁少好慘?)又唔係。」

說到黎明助手Wing已誕下女兒,宣萱表示驚訝:「咁快?都要恭喜嘅,人生踏入另一階段。我同第一個男友講起,佢都話Children are magic。」克勤驚嘆宣萱與首任男友仍有聯絡,強調自己首個女友就是太太,少很多問題,但不敢評論黎明的「漢奸論」:「每個人都有想講嘅嘢,不過唔好講啦,淨係講開心嘢啦。」


來源 source: http://hk.on.cc
鍾意就快D Share啦!