2018年4月10日 星期二

多地收視冠軍!謝霆鋒同名廚鬥到難分難解 __,霆鋒,謝霆鋒,

霆鋒同DavidRocco今集去馬尼拉鬥廚藝。由藝人謝霆鋒同加拿大名廚DavidRocco比拼廚藝的《名廚爭鋒》,之前兩集都由霆鋒勝出,第三集去到菲律 ...


霆鋒同David Rocco今集去馬尼拉鬥廚藝。


由藝人謝霆鋒同加拿大名廚David Rocco比拼廚藝的《名廚爭鋒》,之前兩集都由霆鋒勝出,第三集去到菲律賓首都馬尼拉,兩人喺比賽前一日梗係要周圍視察吓當地名廚就帶咗霆鋒同David去品嚐地道食物,其中一樣係「鴨仔蛋(Balut)」,由於鴨仔蛋係鴨仔喺孵化過程中被煮出嚟食,所以霆鋒同David見到呢味菜時面有難色,但都豁出去大啖食,而佢哋行完街、食完嘢後第二日就展開正式比賽。

時間緊逼

呢一站要蒙眼試食馬尼拉傳統菜式Sinigang(酸湯),為咗試清味道同材料,霆鋒手口並用。而今次只得兩個鐘去買餸同煮餸,所以試食完霆鋒即跑去街市。好彩買餸過程順利,霆鋒先行返到廚房,佢以麵條、蔬菜天婦羅、西瓜等嚟「重塑」Sinigang,而David就以「嫲嫲的味道」去烹調。

今集落敗

比賽根據菜式的賣相、味道、是否原汁原味同創意四個範疇評分,三位評判首先點評霆鋒嘅菜式,佢哋好欣賞霆鋒嘅Presentation,不過就話:「用麵條、西瓜同天婦羅,我真係好鍾意你用自己方式去展現呢道菜,好自我。由口感、技術層面嚟講,都係一流,就好似睇住一位畫家喺畫布上畫畫。不過呢場比賽係關於菲律賓嘅精髓,以Sinigang為題材,你好似有啲唔太貼題。」至於David嘅菜式,三位評判表示:「整款菜式嘅美觀程度唔及Chef Nic,作為一個菲律賓人,我哋唔會將椰奶放喺Sinigang,我想像唔到將椰奶同海鮮、白酒、Sinigang擺埋一齊,但你將佢哋配合得好好,你所做嘅嘢打破我哋每一個規則。」最後David以24:22勝出。雖然霆鋒今集落敗,但因為前兩站都由霆鋒勝出,所以總成績為68:68打和。

拍片致謝

對於今集被追成平手,霆鋒表示:「其實去每一個地方之前我都有Search吓當地出名嘅食材、出名係咩Dish,然後喺我自己心目中可能已經創出一道菜、盡量包含晒所有出名嘅幾味食材喺入面,呢啲係我嘅Fusion方法,分解再重組。而David佢由細已經跟阿嫲入廚房,意大利嘅家庭好興一家大細,由阿嫲、阿爸、阿仔到啲孫、一齊入廚房煮一餐飯,呢啲就係佢嘅經驗。」節目播完後,霆鋒喺個人社交平台甫咗條片,佢話:「第三集雖然輸咗,但我想多謝番當日其中一個評判Chef Bruce Lim。當日煮完後畀分前,佢畀咗本書我,好開心,佢寫:『請你開間餐廳,你開嘅時候,我會排住隊。』好多謝前輩嘅支持,我唔知會唔會開餐廳,但係我會繼續煮落去。」

收視好掂

《名廚爭鋒》播映以嚟已經喺越南、新加坡同馬來西亞等地嘅英語娛樂頻道奪得多個收視冠軍,而且仲成為馬來西亞地區自FOX life頻道重啟以嚟排名第一嘅真人騷節目。

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!
Related Posts Plugin for WordPress, Blogger...