網頁

請重新LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年4月27日 星期五

張美妮拍戲被「抽水」 鋪路轉行教瑜伽 __,美妮,張美妮,

張美妮覺得做演員好被動,所以要諗定後路。藝人張美妮入行多年,雖然已嫁得好歸宿,但對演戲仍有熱誠,於劇集《逆緣》中與視帝黎耀祥有不少對手戲,說到與這位好 ...


張美妮覺得做演員好被動,所以要諗定後路。


藝人張美妮入行多年,雖然已嫁得好歸宿,但對演戲仍有熱誠,於劇集《逆緣》中與視帝黎耀祥有不少對手戲,說到與這位好戲之人合作,她說:「其實同祥哥十年前曾經一齊拍過廣告,不過講到拍劇就真係咁多年都未試過,記得拍呢套劇第一場單對單嘅對手戲時,面對佢我都好緊張,不過祥哥話:『唔係呀!幾好呀!』佢畀到好大信心我,同佢合作真係學到好多。」

被摸感尷尬

美妮指之前於劇集《巨輪II》中與視后田蕊妮做好姊妹,合作得很舒服,對方懾人之力更觸動到她:「記得嗰場戲講我畀人拋棄,佢安慰我,拍嗰陣佢一掂我,我已經觸動到想喊。呢啲就係阿田同祥哥嘅魅力,希望自己有朝一日都可以成為咁嘅演員。」

於《逆緣》中,美妮有一場被演員黃栢文借推金催運博懵的戲份,拍攝時美妮要露背、露腿,只摟着毛巾,第一次拍這類場口的她坦言有少許尷尬:「導演拍之前都打畀我,我話冇問題,可能佢哋知我結咗婚,點都要同老公講聲,但最終我都冇講到。(拍時有否尷尬?)初時都唔覺,但栢文哥隻手摸落嚟時,始終人係有體溫,都有少少唔知點,而且嗰場戲講祥哥闖入嚟,所以要就鏡頭拍咗好多次,不過栢文哥都好有禮,事後猛話唔好意思,我就話冇問題,大家專業。」

獲老公支持

除了拍劇,已做了十年瑜伽的美妮表示積極考瑜伽導師牌,希望可開瑜伽中心,更笑言今次沒有被老公潑冷水。她說:「始終做演員係被動嘅,都諗緊有乜嘢自己鍾意又可以做,之前學結他、鋼琴,但半途而廢,畀老公笑我三分鐘熱度,但今次佢好支持我,我都想挑戰吓同畀個目標自己。」

化妝:Jun 

髮型:Hei

場地:美國餐廳

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!


Related Posts Plugin for WordPress, Blogger...