掃呢頁CODE去手機

2018年4月13日 星期五

自認成日「姨丈」到!小肥嘆天生冇得改 __,小肥,

小肥啲歌一向sad到爆,今次就會有改變。歌手小肥去年與阿偉@RubberBand打造《睡前服》Project,早前二人聯同創作顧問康家俊、影片導演Ti ...


小肥啲歌一向sad到爆,今次就會有改變。


歌手小肥去年與阿偉@RubberBand打造《睡前服》Project,早前二人聯同創作顧問康家俊、影片導演Timmy及藝術總監阿明齊齊受訪,為小肥今個月與琴手雷柏熹合作的演唱會宣傳。康家俊指小肥在2月舉行的澳門騷總結了他們製作《睡前服》的一年,而這次將會是一個延續,並加入小肥對世界的回應。小肥笑言:「以往我嘅作品都係Sad到落谷底,所以今次揀咗大量人哋嘅歌重新編曲,仲會有首新歌。」

次次埋單都爭贏

問到各人對小肥可有甚麼不滿?身為音樂監製的阿偉搶着說:「我最憎、最頂唔順,同埋次次都輸畀佢,就係每次食飯佢都爭住埋單,同佢食咗一百餐飯,我淨係畀過一、兩次錢,佢真係好討厭!」康家俊笑言他們只可以買咖啡或零食請客,又指小肥有個得意性格:「佢係個未長大嘅小妹妹。(會鬧情緒?)梗係會佢啲『姨丈』係定期嚟,密過所有女生,不過佢唔係好夠膽發喺我身上面,我算係行運。」

知衰反省

阿偉隨即補飛:「其實小肥好好,同佢做嘢,佢會照顧晒所有人,但我有時想畀吓錢。我有盡力諗佢嘅壞話,但真係諗唔到,佢係好隨和嘅人,惟一係經常會鬧情緒,有時都幾嚴重,佢好多愁善感,好小事就覺得好灰,但好快又冇事,好難捉摸,要去Feel吓。不過唔緊要啦,大家朋友嚟㗎嘛。」而Timmy亦大讚小肥在未能提早準備時亦能拍得好效果,笑罵對方令自己未能像一般導演般罵人,每次吃飯又要部署如何搶埋單。至於小肥可要平反?他笑說:「冇!我係咁!(冇諗住改?)冇得改㗎啦,或者盡量喺『姨丈』到嘅情況下唔好傷害人,有時我都語氣重咗。(邊位畀你狠狠傷害過?)咁又冇。」阿偉聞言笑道:「邊個冇吖!不過識咗咁耐,一覺得有嘢咪第日再講囉。」小肥就自言反省過知衰就一定會道歉,不會當成沒事發生。

---------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!