2018年4月30日 星期一

一口答應!泳兒與曹格合作做廣東歌 __,泳兒,曹格,

唔知會有咩火花呢?歌手泳兒最新歌曲《騎膊馬》講述一個親情故事,含蓄地表達出女兒對父親的愛。得到這首歌,泳兒覺得是一種緣分,本來今年不打算再推出關於親情 ...


唔知會有咩火花呢?


歌手泳兒最新歌曲《騎膊馬》講述一個親情故事,含蓄地表達出女兒對父親的愛。得到這首歌,泳兒覺得是一種緣分,本來今年不打算再推出關於親情的歌,但是聽到作曲人阿Bert的故事後,覺得感同身受,將故事交到林若寧手裏,繼而有了這首《騎膊馬》。

阿Bert一直想寫首歌送給父親,有感在父親生病後,自己雖更落力去為事業打拼,希望令對方感到安慰,但努力過後發現父親最關心的不是他的成就或財富,而是他安全與快樂,泳兒續說:「自己都曾經歷過呢啲時間,當母親中風嘅時候,都希望事業上可以畀屋企驕傲,但係最終先發現其實回到最初,最開心嘅莫過於小時候好簡單咁同爸爸媽媽騎膊馬、去公園。」

自爆父親嚴厲

與父親的關係,泳兒坦白說:「自己嘅父親畀我一種略為嚴厲,但係好愛護家人嘅感覺。細個時唔畀我去卡拉OK,因為怕複雜,都唔畀我一個人去公園,怕危險。」在泳兒的印象中,父親是屬於付出型,把時間、心思全部付出給自己和家人。如果可以,她想一直做爸爸的小公主,她說:「細個時候無憂無慮,比較簡單,只係同屋企人一齊就足夠,例如爸爸送我返學我就覺得好開心。」她也感慨希望時間可以停頓,爸爸媽媽永遠都不會老。MV中導演着墨描述一對父女的相處美好,而當中女兒的童言童語:「我唔鍾意你有白頭髮」、「第時你死咗唔好上天堂住...我喺屋企等你。」正正道出父母怕子女長得太快,自己卻老得太早的心事。

與曹格及其班底做廣東歌

不得不提,這首歌是由台灣金曲歌王曹格及其團隊監製的。對於首次合作,泳兒覺得好順利同開心:「咁多年嚟製作過唔同風格嘅歌,都跟過唔同音樂班底合作,一直係度諗應該點樣去突破自己?今次公司有咗個好大膽嘅構想,就係搵一個做國語歌嘅班底來做廣東歌,而我第一個就諗起曹格,因為一直好欣賞佢啲歌唱風格,而佢又識廣東話,相信對製作廣東歌一定會有唔同嘅思維。」有幸聯繫上曹格後,他亦一口答應非常爽快,令泳兒對今次合作充滿期待。


來源 source: http://hk.on.cc
鍾意就快D Share啦!
Related Posts Plugin for WordPress, Blogger...