真係好驚險！
新人歌手徐加晴（Rona）日前到電台接受訪問時，講到自己一直有作曲和作詞，更預告暑假會推出由自己創作的全新歌曲。問她平時的創作靈感從哪裡來？她說都是在歌曲中分享自己的經歷，自認有冒險家精神的她閱歷十分豐富，更分享了自己旅行時遇上的驚險事：「我好鍾意周圍去，有一次真係好驚險，係十八歲嗰年，我同另一個女仔朋友搭客輪到達埃及，一落船我哋就上咗架的士，同個司機講我哋想去金字塔，但係個司機就係咁兜路帶我哋去買金器、珠寶嗰啲，終於喺其中一間舖嘅時候我哋同佢講只係想去金字塔，點知佢哋竟然落閘封舖！於是我哋就話想去洗手間，中途喺後門逃走，一路狂奔跳上當地畀遊客坐嘅馬車，上到去就大叫：『直行！』依家諗番真係唔識死，以為走甩咗，於是一路玩晒啲景點，到黃昏嘅時候番到碼頭諗住上船，就見到個司機帶住一班人拎住鐵通喺碼頭等我哋，最後要拜託一對英國夫婦上到船請啲攞住槍嘅保安落嚟幫我哋調停，畀咗筆錢佢哋先放我哋走。」
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|
