林奕匡最近就係街頭送驚喜畀老婆！
歌手林奕匡（Phil）跟太太李靄璣上個月剛剛補擺婚宴兼去完意大利蜜月旅行，最近二人就孖住參加田蕊妮主持的無綫新節目《1+1的深情》的錄影，實行夫妻檔大放閃光彈。日前在節目中Phil就為老婆炮製了一個甜蜜驚喜，眾人快閃銅鑼灣街頭，Phil夾埋樂手突然在鬧市街頭對住老婆深情獻唱《愛很簡單》，引來大批途人圍觀，Phil事後將過程拍低上載社交媒體，用英文寫上：「給我寶貝的驚喜。（Big surprise for my baby.）」
Phil說老婆事先完全不知情：「太太真係唔知情，當日係喺個節目入面，我就夾埋另外兩個朋友想畀個驚喜佢，最緊要係氹得佢開心，揀嗰首歌係因為相對易啲夾，因為唔夠時間練，加上我哋都係好鍾意嗰首歌，我好多年前唱過畀佢聽，（太太係咪好開心？）係呀，佢嗰吓都好驚喜，之後就係咁笑，一直到返咗屋企都仲係陰陰嘴笑咁。同埋可能因為好少咁樣喺公開場合唱畀佢聽，平時喺屋企有唱，但係佢就會話都唔知我係練歌定係唱畀佢聽。」講到當時吸引許多人圍觀，他笑言：「本身我哋係快閃街頭，見大家都好熱情，最後唱多咗一首《高山低谷》先走。」
來源 source: http://hk.on.cc
|
鍾意就快D Share啦！
|
|
|