掃呢頁CODE去手機

2018年4月10日 星期二

喺無綫做嘢壓力大 甄詠珊諗過自殺! __,無綫,甄詠珊,

甄詠珊最近憑劇集《果欄中的江湖大嫂》成功跑出!藝人甄詠珊(Carisa)最近憑劇集《果欄中的江湖大嫂》跑出,但她未有鬆懈,反而頻頻操肌以及做帶氧運動: ...


甄詠珊最近憑劇集《果欄中的江湖大嫂》成功跑出!


藝人甄詠珊(Carisa)最近憑劇集《果欄中的江湖大嫂》跑出,但她未有鬆懈,反而頻頻操肌以及做帶氧運動:「我冇乜脂肪同肌肉,所以要戒澱粉質同糖,一個星期得一日可以任食,想夏天之前有兩條『線』睇吓。」她坦言從小羨慕別人有健美身形,加上受到朋友鼓勵:「佢話如果我有少少線條,一定會好『屈機』,所以我就試吓搵教練上堂。」她大呻戒口比做運動辛苦,因為麵包、蛋糕和飯是其最愛:「唔食呢啲我就唔飽,感覺好唔實在,不過後來就開始習慣。(有成效未?)拜拜肉少咗,腰線明顯咗,大髀力都大咗,以前打風我會企唔穩,依家企穩咗。」

提到拍無綫劇初期曾經心情低落,並於社交網站留言想「離開」,還交代保險金安排,Carisa坦言當時給予自己很大壓力:「我對自己要求好高,我之前拍電影或者喺內地工作,工作人員打個燈都打好耐,我有好多時間投入角色,但無綫真係好專業,打燈好快,我一入去就要投入。」她直言曾經很不習慣,就算導演沒有施加壓力,她仍然很擔心阻礙同事收工:「加上有啲私人嘢唔開心,嗰刻情緒好低落,不過只係好短時間,可能一個鐘。(真係諗過自殺?)有少少諗過,但好快就冇嘢,我知道唔應該咁樣。」她表示透過祈禱令自己意志力堅定,不想做傻事令身邊人不開心。至於到底是甚麼私人事引起不快?她就稱已經忘記,不過肯定不是感情事:「好似係屋企或朋友間嘅問題,我對佢哋都好真,所以好易有呢啲唔開心。」

化妝:WingKee make up


來源 source: http://hk.on.cc
鍾意就快D Share啦!