掃呢頁CODE去手機

2018年4月28日 星期六

【郭秀雲爆料】指卓林女友母曾向吳綺莉索生活費:幾萬蚊一個月 __,卓林,吳綺莉,吳卓林,郭秀雲,

對於卓林與外籍女友Andi在Youtube放片,自爆患創傷後壓力症,交代自己無家可歸一個月。今日《蘋果》致電吳綺莉好友郭秀雲,佢認同卓林受人擺佈,佢話 ...


對於卓林與外籍女友Andi在Youtube放片,自爆患創傷後壓力症,交代自己無家可歸一個月。今日《蘋果》致電吳綺莉好友郭秀雲,佢認同卓林受人擺佈,佢話:「Etta(卓林)依家受人擺佈,佢講嘅嘢都唔係講得啱。老實講,佢話佢parents係homophobic(恐同),第一,parents係兩個家長,咁佢係吳綺莉個女,另外嗰個根本都冇企出嚟去同佢有任何關係,所以佢要企出嚟認一個家長,嗰個應該係吳綺莉。

郭秀雲續稱:「o依家係佢自己攞返晒自己啲嘢,返屋企剿,翻轉間屋,攞晒啲嘢之後,就唔聲唔聲消失咗,咁佢媽媽根本冇辦法控制到佢,因為佢已經18歲。而佢話佢父母係homophobic,亦都係非常之錯,因為我同Elaine(吳綺莉)都有朋友係男同性戀或女同性戀者,我哋對於呢方面嘅人絕對冇任何歧視或唔好諗法,因為老實講,我自己就係有好幾個同性戀朋友係好死黨,同埋好欣賞佢哋,所以佢(指卓林)講嘅說話聽頭個兩句,已經唔使再聽落去,根本係受人擺佈,有咩目的?自己去諗。」

郭秀雲更爆料指Andi母親曾向吳綺莉攞錢,佢話:「我就知道嗰個補習老師係有個媽媽,嗰個媽媽曾經叫吳綺莉send個囡去加拿大,去佢嗰度住,話只係求其收返佢幾萬蚊一個月,脆脆地唔係好多。老實講,都唔係細銀碼。若然你問我,咁如果個女仔補習老師個阿媽喺加拿大,又有屋企,又可以照顧到,咁點解佢哋要搞到話要淪落喺街頭呢?再加上望落佢兩個都似乎肥肥白白,似乎佢拍嘢嗰度,背景係屋企嚟,究竟搞邊科?」

精選娛聞,喺晒《娛果》 http://fb.com/appledailyent


鍾意就快D Share啦!