掃呢頁CODE去手機

2018年4月14日 星期六

【狗仔出更】孖住大隻仔羅浩銘睇樓 咪神陳婉衡被私有? __,大隻仔,陳婉衡,溫家偉,

擁有最強「胸」器嘅無綫36E咪神陳婉衡(Alycia),因為佢嘅「胸」器實在太厲害,所以「胸」暈咗唔少fans!不過講到佢嘅感情生活,似乎略見平淡,有 ...


擁有最強「胸」器嘅無綫36E咪神陳婉衡(Alycia),因為佢嘅「胸」器實在太厲害,所以「胸」暈咗唔少fans!不過講到佢嘅感情生活,似乎略見平淡,有傳金剛曾經對佢獻殷勤,之後又有周刊影過佢同藝員訓練班嘅黃毅進撐枱腳兼返咗屋企,好似唔多聽到佢啲戀事!

不過話晒Alycia樣靚身材正,又點會冇人追呀?日前《蘋果》喺銅鑼灣見到Alycia,同行嘅仲有曾經參加過「功夫之星」嘅羅浩銘,嗰陣大約係下晝4點鐘左右,見到佢哋行地產舖,主力睇吓啲租盤,睇咗一輪之後就入咗去舖頭搵咗個經紀睇樓,不過睇咗幾間都唔係好啱心水,擾攘大約半個鐘左右,同嗰個經紀分手之後,佢哋邊行邊傾咁行咗去坐車,之後上咗架小巴返咗去Alycia喺香港仔嘅屋企!

事後Alycia接受傳媒訪問,講到係咪同羅浩銘拍拖睇樓,佢笑住話:「係就係睇樓,不過唔係拍拖,我o依家住緊嗰度租約滿,要搵地方搬,所以我呢排搵咗啲朋友陪我睇樓,希望可以聽多啲唔同嘅意見。」佢又話:「o依家都有一、二個樓盤睇啱咗,希望可以盡快搞掂,喺下個月頭搬得到!」

至於同羅浩銘嘅關係,Alycia話:「我哋識咗好耐,一直都係朋友,唔係拍拖,我o依家都冇拖拍,真係dry到爆拆!」



精選娛聞,喺晒《娛果》

http://fb.com/appledailyent



攝影:羅德光、梁繼光
陳婉衡同羅浩銘拍拖行街?
行完街去咗地產舖睇樓。
Alycia話只係搵羅浩銘陪睇樓,大家係識咗好耐嘅朋友,唔係拍拖!
Alycia呢排煩緊睇樓!



鍾意就快D Share啦!