掃呢頁CODE去手機

2018年4月21日 星期六

經驗少!麥明詩面紅紅爆摩洛哥男能力最勁 __,麥明詩,

咁爆!港姐出身嘅馮盈盈作風大膽,不時都有驚人語錄,愈爆嘅話題就愈敢講!至於作為師姐嘅麥明詩(Louisa)亦不遑多讓,一向懶理外界嘅佢,經常勇於表達自 ...


咁爆!


港姐出身嘅馮盈盈作風大膽,不時都有驚人語錄,愈爆嘅話題就愈敢講!至於作為師姐嘅麥明詩(Louisa)亦不遑多讓,一向懶理外界嘅佢,經常勇於表達自己嘅意見。估唔到日前佢連同男士交流嘅經驗亦敢大方分享,仲自爆喺呢方面嘅經驗唔多,認真語出驚人!

無綫節目《#後生仔傾吓偈》新一集中,Louisa開心share一個朋友嘅交流生見聞,佢大爆呢位朋友同多個國家嘅男士都試過「深入交流」,事後仲點評摩洛哥嘅男士最勁。雖然Louisa冇詳細講明係邊方面嘅交流,但作為成年人嘅大家都心水清,完全明白佢想講乜

後來Louisa愈講愈尷尬,仲罕有地面仔都紅晒。咦!講朋友嘅事都面紅咁奇怪?呢個人相當有可疑!難怪陸永等主持人立即追問呢位「朋友」係咪就係Louisa本人,轉數快嘅Louisa極力否認係個人經驗,仲話同呢位朋友唔太熟,講其他話題意圖轉移視線。不過唔少網友都推測呢位「朋友」即係Louisa本人,仲話佢咁熟悉「朋友」啲經歷,似乎係親身經歷喎!

點知有主持人起哄問「朋友」分享經歷係咪想晒命,Louisa竟然自爆:「可能係,我就比較少經驗。」自知「出事」嘅佢再次面紅紅,仲掩嘴遮擋尷尬笑容,但呢句說話一出令網友無限遐想,紛紛討論佢究竟係指邊方面嘅經驗,大家都好想知呀,Louisa快啲開估

網民有話兒:

AlbXXXChan:通常講我朋友即係講自己。

XXrcusLeuXX:有些事情就不要拆穿!

XXXceQu:佢咁熟悉,仲唔係自己嘅親身經歷嚟?

喬文X:大家明白晒,明詩唔使咁尷尬喎!

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!