欣宜孖住八位肌肉猛男獻唱。
鄭欣宜一連兩場紅館演唱會開鑼，換上第五套衫的欣宜以一條花花露膊長裙上陣，與八名半裸肌肉男dancer在台上獻唱《I will survive》、《燒》、《光明會》等歌，再次掀起全場高潮，她之後在台上搞笑地向男dancer抽水，引來觀眾爆笑。
然後欣宜在台上感性說道：「兩年之前《女神》呢首歌面世，有好多女性朋友會喺條街度截停我，話好開心有呢首歌鼓勵咗佢哋，估唔到嘅係，另一邊有啲大愛嘅朋友都話，呢首歌畀咗好大力量佢哋，一首歌可以感動人係好難，所以年頭我決定要再做一隻歌，話畀大家聽愛係屬於任何人，每個人都有權力去愛。」她隨即獻唱新歌《黑彩虹》。
欣宜緊接唱出《命硬》後，在台上直言：「我原本揀咗一首歌冇唱，我決定讀出兩句歌詞『結果我共你 仍然逃不出被圍攻 被捨棄』一直以嚟我都畀人批評，但係我冇放棄，就算我係負分都好，只要我夠堅持同努力，總有一日我可以由負分上返去零分，再1分1分咁樣加上去，我深信只要堅持同努力，總有一天我會合格。我希望完咗今晚嘅騷，大家可以畀一個公道嘅分數畀我。」之後她多謝黃偉文，並以家人稱呼對方：「女神呢個后冠係你畀我嘅，我會記住『不要低頭，光環會掉下來』。」最後她獻唱大熱歌曲《女神》，獲觀眾熱烈掌聲支持。
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|
