入行十年的周秀娜（Chrissie）早前憑電影《29+1》首度獲得金像獎「最佳女主角」提名，早前她接受專訪，談到收到消息的一刻，先呆後喜，她謂：「第一個反應呆咗，之後覺得好似有好多馬匹係個心度奔騰緊，但又要按捺住，因為咁啱坐緊車，唔想嚇親司機哥哥。」
入圍消息傳出後，Chrissie收到大量恭喜留言，當中一班認識十多年的好朋友的留言，令她感受最深，更一度觸動到她哭了起來，Chrissie謂：「呢班朋友陪住我成長，咁多年我有電影上都會叫佢哋去睇畀意見我，佢哋知道我入圍仲開心過我，其中一句『見到妳咁多年不斷嘅努力』……」說到此處，周秀娜亦登時眼濕濕，之後續說：「呢句說話令我即刻喊，入行咁多年，我明白到能夠得到別人嘅認同，係一件非常艱辛嘅事，如今我終於可以達成夢想，得到觀眾嘅認同，我終於可以大聲講一句「我係演員！」而唔需要心虛。」
今年金像獎影后之爭，相當激烈，Chrissie面對已是影后級數的毛舜筠、周迅、張艾嘉以及剛獲電影評論學會最佳女演員的鄧麗欣，Chrissie大讚位位都是好演員，她謂：「我本身好喜歡毛舜筠同周迅，張艾嘉演戲好叻仲做埋導演，都係一個好好嘅榜樣，至於鄧麗欣，我同佢合作過，當時已經知道佢為部戲下咗好多苦功，之前佢攞評論學會影后，我都第一時間恭喜佢，覺得佢實至名歸！」周秀娜直言今次能夠同一班好戲之人一齊入圍，已經覺得自己「贏咗」，能否得獎，她不會多想亦不會畀壓力自己，只會繼續努力，希望拍到更多讓觀眾喜歡電影。
場地提供：Oyster Manner(Barry@relaxdearhk)
Stylist:Harry Lam
Wardrobe:Versace
Hair:Amber Tse@Queens Private I
Make up:NatalieSoo.Ki@ndnco.co
|
鍾意就快D Share啦！
|
|
|