大陸女星楊冪喺2015年電影《我是證人》飾演一名因意外失明嘅見習女警，演出後有好深感受，當時有大陸報道稱楊冪喺發佈會上，推動一項捐贈失明/視障兒童物資計劃，承諾捐出100支盲杖同50部盲人打字機，不過近日有大陸媒體指事隔3年，楊冪仍未有兌現承諾，楊冪工作室先指聯絡唔到中間合作人了解事件始末，一直以為中間人已完成捐贈(新聞連結：https://bit.ly/2GUq9ug)，引起網民熱話，楊冪工作室為補鑊速購50萬失明人士物資，上載兩張採購嘅單據，之後楊冪首度回應稱「知道這件事時，整個人特別震驚難過，一直沒說話是覺得自己沒資格。不管甚麼理由，讓孩子們等兩年就是我和團隊嚴重的工作失誤」(新聞連結：https://bit.ly/2JCADAs)。
老公劉愷威今日亦留言支持老婆：「小冪、公司的同事們、我們每一個人一直都真心的希望能够幫到需要幫助的人，失誤的地方需要改正，需要吸取教訓，但也希望大家了解真相，不要讓善心被無端利用。」
以為事件已告一段落，點知楊冪工作室口中嘅「中間人」李萌日前接受大陸傳媒專訪，今日登出一篇「『詐捐門』重大隱情」嘅報道李萌喺報道中稱楊冪工作室發聲明後，自己曾同嘉行傳媒相關人士溝通，希望李萌出面澄清呢件事。
李萌又指與嘉行嘅合作關係並唔係好似聲明講自己主動搵對方提出合作，佢解釋當時嘉行傳媒核心人士稱要拍《我是證人》要求佢幫忙，李萌喺同嘉行溝通後，臨時用手機搜索成都特殊學校，但李萌表示冇喺電話中講過要捐贈任何物資俾學校，校方亦冇提出，李萌喺電話講過如果有其他需求，可以喺能力所及下提供幫助，之後一位男老師同一位女老師帶住一個失明兒童來到發佈會現場，李萌表示當時兩位老師主動提出學校物資匱乏，可唔可以捐盲杖同打字機。
李萌喺報道指活動中學校兩位老師提出失明兒童向主辦方贈送一幅自己畫嘅畫作為禮物，仲有一封信要念俾楊冪。呢個由李萌講出嘅版本似乎有啲怪，失明兒童讀出一封信，李萌再講：「孩子念的信是感謝楊冪捐給這邊這些東西，而這些東西是我們沒有提前溝通過。」活動後，校方亦向媒體表示楊冪答應捐贈100根盲杖同50台打字機，李萌強調捐贈係公司，而唔係藝人，係應該由公司去處理。
以為羅生門終於打開，剛才楊冪方發表律師函表示李萌對成都特殊學校捐贈事件陳述與事實完全不符，嚴重侵犯楊冪方之人身權利，要求該大陸網及李萌立即停止侵權並道歉。有大陸傳媒向成都特殊學校求證，校方否認「逼捐」，指李萌所言與事實不符，物資係李萌提出要捐，李萌當時介紹自己係「楊冪公益項目的負責人」。
精選娛聞，喺晒《娛果》
http://fb.com/appledailyent
|
鍾意就快D Share啦！
|
|
|
