網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年4月15日 星期日

金像獎:楚原笑看人生獲頒終身成就獎 __,楚原,金像獎,

84歲楚原獲頒終身成就獎。終身成就獎由50至80年代著名導演楚原獲得,現年84歲的楚原24歲開始執導首部電影,第二部作品《可憐天下父母心》已經轟動一時 ...


84歲楚原獲頒終身成就獎。


終身成就獎由50至80年代著名導演楚原獲得,現年84歲的楚原24歲開始執導首部電影,第二部作品《可憐天下父母心》已經轟動一時,及後的《黑玫瑰》、《大丈夫日記》、《七十二家房客》及一眾由古龍小說改編的電影大多都成為經典,並由其大徒弟馮粹帆負責頒獎,馮粹帆直言視他為永遠的恩人及恩師:「係佢帶我入行,1974年我第一次執導電影,嗰部戲嘅第一個鏡頭係佢同我擺機位嘅!」

楚原與太太粵劇名伶南紅拖住6歲孫女到場致辭,他說:「將呢個終身成說獎頒畀我呢個終身冇咩成就嘅人,我受之有愧,回首半生青山人老,漫長人生有開心事,困難都唔少,人生係失意多如意少,我拍咗套破票房紀錄嘅戲,老闆同我簽新合約,人工加十倍,個個都話我係最幸運嘅導演,但十幾年後我拍咗幾部仆街片,到想拍《天龍八部》,方逸華小姐唔畀拍,話我蝕咗賠得起咩?仲話我唔識電影藝術,嗰陣個個話我係最難堪嘅導演。人生係由歡聲、淚影四個字砌成,冇咩奇怪,任何人無論幾風光、幾失意,第二朝天光一樣要起身生活,明天總比昨天好,呢個就係人生!」贏得全場掌聲。

他續說:「人生似打麻雀有東南西北風,當你打到北風,就係另外一個人生,好似我老到冇得撈,記得後生儲番個錢呀!管它喜怒哀樂,笑下就算!」

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!