藝人李紫彤（Crystal）居於洪水橋村屋，在屋外曬晾衣物，但多次發生內衣褲失竊事件，而閉路電視拍得一名戴鴨舌帽及口罩的男子，清晨五時在屋外出現及摷晾衫架內衣褲，更一度打開其洗衣機搜索，Crystal為安全計，在好友艾美琦（Amy）陪同下到天水圍警署報警備案。
CCTV拍下過程
Crystal向東網記者講述事件：「有個不明人士成日喺我屋企偷胸圍、底褲同比堅尼，佢都偷咗我啲嘢一段時間，我唔識呢個人。」Crystal展示閉路電視拍下的片段，從片段顯示，時間為本月7日清晨五時許，一名男子在屋外出現，伸手摷晾衫架衣物，繼而打開旁邊的洗衣機。Crystal說：「我由頭到尾都唔知係乜嘢人偷我內衣，隔籬屋話試過捉到一次，都係男人嚟。但我今次先錄到佢摷我啲嘢，好似搵緊有乜嘢啱佢心水嘅物品咁，之後搵唔到，打開我個洗衣機喺度望。」
擔心可疑男人再偷
問到之前有多少損失？Crystal說：「都有幾千蚊，最貴嗰件內衣價值三百多元。（有冇唔見好有價值嘅嘢？）有媽咪喺泰國買返嚟送畀我嘅比堅尼，我諗住拍節目用，咁啱畀佢偷咗。我搵咗好耐，先買咗一條差唔多顏色嘅比堅尼褲，嗰日我好嬲。依家我唔敢用屋外部洗衣機洗內衣，但佢偷咗我兩套晚裝。」Crystal擔心失竊事件會繼續發生：「我唔知乜嘢人做，但正常都唔會咁遠走入嚟偷我啲嘢，我諗都係附近啲人做。」她謂事件已困擾她很久，希望警方快些捉拿偷竊賊。
艾美琦陪同報警
Crystal謂被偷內衣後第一時間告知好友Amy，她說：「之前畀人偷嘢都有同佢講，所以佢好清楚件事，佢知我好驚，即刻從台灣返飛嚟同我報警。」而Amy則表示事件比較嚴重，擔心Crystal人身安全受威脅，不應該拖延及啞忍。問到可有想過搬走？Crystal說：「一時之間唔知去邊，睇吓跟住落嚟點安排。」
----------------------------
東網巨星開咗ig喇，大家快啲follow
https://goo.gl/KGuo2N
|
鍾意就快D Share啦！
|
|
|
