網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年4月30日 星期一

最強打氣團!嘉玲朝偉合體撐學友開騷 __,學友,梁朝偉,朝偉,劉嘉玲,嘉玲,張學友,

冇得輸喇!天王張學友連日嚟喺台北小巨蛋舉行巡唱,吸引咗大批名人、明星到場欣賞!尋晚(29日)最終場,佢一樣落力唱足3個鐘,絕不欺場!不過最令一班歌迷興 ...


冇得輸喇!


天王張學友連日嚟喺台北小巨蛋舉行巡唱,吸引咗大批名人、明星到場欣賞!尋晚(29日)最終場,佢一樣落力唱足3個鐘,絕不欺場!不過最令一班歌迷興奮嘅係,原來尋晚一班學友嘅好友劉嘉玲、梁朝偉、梁家輝、邱淑貞、杜德偉、曾志偉都有低調撐場。就連台灣天王周杰倫都有同老婆昆淩撇低一對仔女拍拖現身共襄盛舉。

劉嘉玲仲喺社交網上咗孖梁朝偉和梁家輝、杜德偉坐喺小巨蛋嘅頂層包廂裏面睇騷嘅片,片中梁朝偉露出招牌淺笑,喺人群中齊齊揮動螢光棒,而梁家輝仲睇到好激動咁起身大嗌,睇得勁投入!而喺隔籬包廂嘅邱淑貞、周杰倫和昆淩就相對冷靜。

周杰倫同昆淩之後亦有喺社交網上傳佢哋喺後台嘅大合照,指劉嘉玲佢哋全部都係特地由香港飛到台灣幫張學友打氣,佢更直言可以參與其中感覺好正,感謝學友帶嚟一個咁好嘅表演:「學友哥的一幫老朋友從香港特別過來支持 這種感覺真棒 希望我以後也有這樣的朋友 今天到了『祝福』這首歌的時候 我終於懂了平常歌迷的感覺 原來 聽到老歌的感覺 真好 謝謝學友哥 給我們一場這麼棒的演唱會」一班網友睇見依個打氣團嘅陣容都忍唔住大嗌冇得輸呀!


來源 source: http://hk.on.cc
鍾意就快D Share啦!