藝人林子善與太太董佩欣今晚舉行婚宴，筵開63圍大宴親朋，不少圈中好友前來到賀，場面熱鬧。兩位新人進場時，一眾賓客拍手送上祝福，兩人在婚宴的台上大講感人說話，新娘子多謝子善及自己的家人：「我唔識講嘢，我都好緊張你哋，我愛你。」至於向來易喊的子善一講到父母就多次哽咽，他自嘲：「我一講就喊，知啦你哋，好鬼容易喊，首先感恩我父母！」
兄弟遞上紙巾
講完這句即時嚟料想喊，之後身邊兄弟遞上紙巾給他作準備，他續說：「我好感恩我父母製造咗我出嚟，亦都好感恩個天畀我有機會喺父母嘅懷抱中出世，我記得一句說話，慈母萬滴血，生我一條命，我好記得。」
唔靚仔又矮
說時再度哽咽，之後再說：「你哋會話或者佢哋兩個係happy，佢哋兩個happy之餘，生到我四肢健全，雖然我樣衰，個樣唔太靚仔又太矮，但好托賴我喺娛樂圈同DJ界，或者我嘅同學圈子裏面識到你哋任何每一位朋友都好錫我。DJ界我冇一個朋友係唔錫我嘅，我好記得我對我有恩惠嘅人，好多謝我父母。我細個同我老竇傾偈，傾咗好多個鐘，通常難聽啲講句，就畀佢鬧到X街，先可以傾到幾個鐘頭，因為佢要講道理畀我聽，同我傾到兩三點教我做人道理，佢第二日又要早起身...好感恩父母畀咗個健全身體我，我讀書唔叻，我搵唔到多錢，但我老竇教我做人最緊要謙卑、有良心、要有正能量，待人處事接物佢教咗我好多。仲有一個我好感恩，由細到大打到我X街嘅阿哥，佢永遠係勞氣咗先，但勞氣完佢自己又唔開心，但其實我錫佢錫到燶，因為我覺得血濃於水。」
感謝子華神
子善之後亦有多謝就快「封咪」的黃子華，他說：「多謝黃子華，子華今晚唔會到，因為黃牛飛單嘢，黃子華話費事搞到我個場，之後請番我兩公婆食飯。」
----------------------------
東網巨星開咗ig喇，大家快啲follow
https://goo.gl/KGuo2N
|
鍾意就快D Share啦！
|
|
|
