掃呢頁CODE去手機

2018年4月28日 星期六

邀胡定欣合演舞台劇 馬浚偉激讚謙虛敬業 __,定欣,馬浚偉,胡定欣,

馬浚偉十分欣賞胡定欣。藝人馬浚偉今年六月再踏台板,重演其舞台代表作《偶然.徐志摩》,該舞台劇除了請來TVB當家花旦胡定欣做拍檔外,姜大偉、馮素波等好戲 ...


馬浚偉十分欣賞胡定欣。


藝人馬浚偉今年六月再踏台板,重演其舞台代表作《偶然.徐志摩》,該舞台劇除了請來TVB當家花旦胡定欣做拍檔外,姜大偉、馮素波等好戲之人亦會助陣。今次換上一位「舞台女新人」重演,馬浚偉對定欣充滿信心,因欣賞她能歌善舞而且身段好,而劇本上的修改主要是安排機會讓定欣發揮,馬浚偉表示:「今次最主要唔同係定欣會SOLO一段兩分鐘長嘅水袖舞,佢本身冇接觸過,但聽到我呢個提議第一時間話好。今次同定欣合作,最開心係大家都鍾意接受挑戰。」

視后冇特權

馬浚偉指合作《宮心計2深宮計》時反被定欣感動,因此邀請她演出舞台劇:「佢身為兩屆視后,依然係凌晨五點收工、八點起身化妝開工,我問佢『點解要捱』?佢話覺得自己幸運,但唔代表有特權,聽完我對佢印象係暴增,有一晚凌晨開緊工,我問佢有冇興趣演舞台劇?佢掛住一個攰樣,聽到就兩眼發光話好,咩條件都冇問,見到佢咁有熱誠,我一有時間就去搵樂小姐(樂易玲)。」

感謝樂易玲借將

今次請來當家花旦胡定欣演出,問到是否開出好價錢?馬浚偉表示要多謝TVB高層樂易玲願意「借將」,笑言:「今次演出都要多謝番TVB,願意安排一班咁好戲嘅演員參加我呢個舞台劇。我同樂小姐講,呢個係舞台劇,錢真係有限,我係盡力畀到最好嘅價錢一班演員。(樂易玲有冇叫你接劇交換?)又冇,我一直好樂意拍劇,不過唔會係今年嘅事,我手上仲有兩部舞台劇劇本,計劃來年1月另一部舞台劇。」

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!