掃呢頁CODE去手機

2018年4月5日 星期四

多兩倍時間準備!方中信呻被台詞「考起」 __,方中信,

方中信同一時間拍緊兩部戲,真係辛苦晒喇。影星鮑起靜(鮑姐)、方中信、陳家樂及陳嘉莉等忙於拍攝新片《一級指控》,日前更拉隊到深水埗一間菜檔開工,劇情交代 ...


方中信同一時間拍緊兩部戲,真係辛苦晒喇。


影星鮑起靜(鮑姐)、方中信、陳家樂及陳嘉莉等忙於拍攝新片《一級指控》,日前更拉隊到深水埗一間菜檔開工,劇情交代鮑姐因孫兒被控謀殺,特意求扮演律師的方中信及陳家樂出手相助。劇組用黑布遮攔出入口以防拍攝「曝光」,約1小時後完成所有戲分,鮑姐隨即低調離場。據悉,今次方中信與廖啟智及譚耀文等好戲之人,有多場法庭角力戲,難怪方中信離開受訪坦言被冗長及專業的台詞「考起」,準備功夫較平時拍戲多出兩倍!

方中信笑言最開心是能夠與「契媽」鮑姐首次合作:「大家識咗30年終於有機會演對手戲嘞!(戲內鮑姐同平時有咩分別?)冇喎,一樣咁和靄可親。」由於英皇網劇《PTU機動部隊》倘未煞科,他要「兩邊走」,近日嚴重缺乏休息:「但聽到班底咁好玩,梗係要接啦。」

日日似入戲院睇戲

陳家樂則笑言每天開工,自己都似「買飛入場睇戲」﹕「鮑姐真係勁好戲,嗰頭同我哋開開心心咁傾偈,轉頭一叫埋位就可以投入喊到收唔到聲。入戲院睇戲都有剪接吖,我坐喺度係睇未經剪接嘅精彩演出,絕對學到嘢。」

被男友「買凶追殺」

陳嘉莉與男友張建聲都有分參與《一》片演出,但卻未有同場,反被扮演奸角的男友買凶追殺自己!談到「悲慘命運」,嘉莉笑謂:「今次真係好多逃跑戲,之前拍咗幾場,我都唔小心搞到有瘀傷。(介意同男友演對手戲?)唔會,我當初都係欣賞佢對電影嘅全程投入,大家公私分明嘅。」

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!