網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年4月4日 星期三

歐聯:C朗倒掛世界波!皇馬歐聯血洗祖記 __,C朗,基斯坦奴朗拿度,

(GettyImages)即睇全場入波:https://bit.ly/2GNVlyN 球王級C朗轟入超級倒掛世界波,梅開二度打爆祖雲達斯!歐聯八強首回 ...


(Getty Images)


即睇全場入波:https://bit.ly/2GNVlyN 

球王級C朗轟入超級倒掛世界波,梅開二度打爆祖雲達斯!歐聯八強首回合大戰,皇馬作客班馬兵團,開波3分鐘,呢位巨星快腳射入先開紀錄,換邊後佢發揮球王本色,禁區內施展倒掛妙技拉開比數。祖記跟手仲有保羅戴巴拿領紅,皇馬打多個憑馬些路錦上添花,作客大勝3:0,基本上穩入歐聯四強。

呢場上屆決賽翻版,皇馬雖然作客,但一開波就反客為主,3分鐘,馬些路傳予艾斯高,呢名弗爆中場妙傳地波入禁區,C朗趕到右腳彈咗個波入網,話咁快協助皇馬領先。主隊王牌保羅戴巴拿,上半場演出搶鏡,6分鐘殺入禁區起左腳勁射,但畀沙治奧拉莫斯瞓身攔走。22分鐘,戴巴拿左路開罰球彎個靚波到門前,希古恩衝到六碼點右腳一撞,點知畀基羅拿華斯神救。之後雙方你一拳我一腳,卻奧斯禁區外右腳怒射,竟省中門楣;完半場前主隊基亞連尼接應角球空晒一頂,竟然連龍都唔中,半場客軍1球領先。

換邊後基亞連尼一個犯錯累死祖記,呢名意大利中堅於禁區內犯錯,畀C朗於左路底線傳中,盧卡斯華斯基斯勁射被保方撲出,丹尼爾卡華積右路傳中,C朗嚟個超靚倒掛拉開比數。66分鐘,戴巴拿起腳攔截,點知踢中卡華積個肚,連埋上半場插水攞黃牌,兩黃一紅被罰出場。祖記打少個形勢更曳,72分鐘,C朗於禁區頂妙傳馬些路面對保方,後者一挑過埋門將輕鬆射入,完全打沉祖雲達斯。完場前C朗禁區勁射,保方力阻佢戴帽,最終皇馬大數3:0,次回合返到巴拿貝球場,基本上已變成例行公事。

C朗可以話係保方剋星,上屆銀河艦隊大勝祖記捧盃,而呢名葡萄牙巨星,近6次對祖記轟入9球。另外,C朗於歐聯堅特別醒神,已經連續10場歐聯入波,而佢今屆已射入14球。

即上英超刨績王:http://win.on.cc/epl 

Follow東網體育IG一齊撐本地運動員!

http://bit.ly/2EYxoRh 


來源 source: http://hk.on.cc
鍾意就快D Share啦!