網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年4月30日 星期一

C1:郭子豪得罪無綫操肌比賽博翻身 __,無綫,郭子豪,

今次真係「肌」不可失。無綫藝人郭子豪近期拍攝多套劇後成功上位,未知是否機會來得太快,加上有家底,少爺仔性格表露無遺。據知他曾因感情問題,被飛出劇集《好 ...


今次真係「肌」不可失。


無綫藝人郭子豪近期拍攝多套劇後成功上位,未知是否機會來得太快,加上有家底,少爺仔性格表露無遺。據知他曾因感情問題,被飛出劇集《好日子》,一度有傳其對象是宅男女神江嘉敏。郭子豪為求翻身,向公司認錯後自薦參加健身比賽,力谷48吋胸,更一度操得太急狂嘔。

現年26歲、有「港版阿諾」之稱的郭子豪(Arnold)擁48吋巨胸,2014年加入無綫拍劇,即深得不少「姐姐級」藝人歡心,跟他合作過的黃智雯、呂慧儀等都對他有讚無彈,其戇男形象,更令他成功吸納不少粉絲!近期他憑無綫劇《親親我好媽》及《三個女人一個「因」》火速上位,早前更被安排擔任劇集《好日子》第三男主角。

前途原本一片光明的Arnold,去年底竟無故甩底倒數騷!據知,他因為感情問題多次缺席活動,惹得高層震怒,最後被飛出《好》劇!更有指他拍《親》劇時與江嘉敏分外投契,令人覺得其感情問題「緣」於這位宅男女神!為挽回事業,Arnold決定參加八月底舉行的健美比賽,希望建立肌男形象。最近他狂食及做Gym,每日要吸收相等於25碗飯的5,200卡路里,已於4個月內增40多磅,胸肌由原本的40吋暴脹至48吋,臂圍更達18吋,超級誇張!

面容扭曲操到嘔

日前下午兩時許,Arnold被發現於尖沙咀狂掃小食,為了增肌的他化身食物焚化爐,買了兩串魚蛋及雞蛋仔,兩啖極速「KO」!之後又到健身用品專門店,買下四罐增磅奶粉,離開時他打算截的士,但被粉絲認出及要求合照,他即顯「力王」本色,單手拎住四罐奶粉與粉絲自拍。

其後Arnold如常到健身中心操肌,見他主要操練下盤肌肉包括大腿肌及股肌,在教練指導下,兩小時內做了六Set動作,每Set做五至六次,見他負重的鐵餅重量超驚人,深蹲孭起約400磅重量;撐腳一Part更達500磅,難怪做到面容扭曲!

全「力」以赴的Arnold做到第三Set時,不時合埋雙眼抖大氣兼標冷汗,眼神迷糊的他突然走到垃圾桶狂嘔,周遭的健身人士見狀大為吃驚!但他抖一陣又去操肌,之後頂唔順又嘔,結果嘔足三次,認真慘情!他做完Gym後渾身乏力,離開時行路猶如慢動作!

唔敢高攀女神

Arnold事後接受訪問,提到江嘉敏時非常避忌:「真係識得太耐喇!已經變咗姊妹,佢女神級嘅級數完全高攀唔起。(你感情狀況點?)穩定啦,多謝大家關心。(女朋友係邊個?)圈外嘅,從事教育工作。」對於之前劇集換角及無故甩底,他解釋:「因為嗰排屋企有啲私人事,所以唔可以工作。其實都有同無綫解釋,佢哋都明白同包容,喺拍《好》劇嗰陣,監製知我有事唔能夠演出,都搵咗另一個同事頂上。」至於江嘉敏亦否認戀情:「我哋冇拍過拖,都唔覺佢有追求我嘅意思。未入無綫之前都一齊喺工作上合作過,拍《親》劇對手戲都唔多,但之前拍宣傳片對手戲會多啲,因為故事係講我暗戀佢。」她大讚郭子豪幽默,問到是否喜歡這類男生?她說:「唔會因為佢幽默而鍾意佢,最緊要睇吓大家夾唔夾。」

更多新聞,請瀏覽東方日報網頁:

http://orientaldaily.on.cc/


來源 source: http://hk.on.cc
鍾意就快D Share啦!