欣宜嘅《Break A Leg演唱會》今晚就喺紅磡香港體育館舉行，李琳琳、鄭世豪夫婦、鄧光榮太太同囡囡、 王祖藍同李亞男、梁靖琪、湯盈盈帶同女兒、鍾麗淇、關心妍夫婦、秋官坐中間第四行靚位置，仲有好多女士搵秋官集郵，要保安出動維持秩序，仲有蔡一智、另岑麗香、麥美恩、 王君馨、鍾舒漫、王梓軒、許廷鏗、胡鴻鈞等捧場。
2300：欣宜成個演唱會完結，而今晚欣宜唱咗好多唔係佢自己嘅歌。
2222：唱到《I will survive》前，先有一名赤膊男跳空中鋼管舞暖場，後欣宜以夏日花裙夥拍8位赤膊肌肉男演繹，接住唱埋《燒》、《光明會》。之後欣宜多謝八位sexy dancer ，仲笑言順便俾我抽下水先，仲冇蝕底咁摸男舞伴心口，之後欣宜話：「有首歌原本想唱，但我選擇讀出來，『結果我共你仍然逃不過被圍攻被捨棄』，我成日被人批評，冇放棄自己，由負分變零分，再一分一分加上去，深信只要堅持努力，總有一日會合格，希望大家睇完今晚演唱會，俾一個公道分數我。好多謝我家人黃偉文先生，女神后冠係你俾我。」之後欣宜就唱出《女神》。
2148：欣宜介紹謝安琪出場前，勁讚男人樣、爆肌、幽默、顧家好重要，就tag謝安琪現身，兩女喺台上擁吻，欣宜問：「點解我一打電話俾你就應承來？」謝安琪話：「要喺台上同你講我欣賞你好耐，平時人睇到你幾努力幾辛苦，幾多笑聲，我睇你唔止係咁，無論你喊到點，你嘅人生幾時都係美麗，加油。」Supper Moment另一嘉賓，同欣宜合唱。
2138：唱到《爛泥》嗰時，欣宜換咗第三套黑色長裙，下身係透視，上身低胸，之後欣宜話：「Wow！著透視裝呀我，hello大家好， 首先鄭重感謝你哋，我o依家心情以為會好緊張，查實好興奮，因為你哋反應太好，我好cheap，你哋反應愈大我唱得愈好。會用盡100%努力做到最好。相信只有夢想堅持可成真，我紅館夢想成真咗，o依計劃第二個夢想，搵返個dream guy，結婚生仔。」
講到許志安係我心目中好sexy男人，迷人小眼晴，時有時冇大舊腹肌，沙沙地聲線好吸引。下一個仲嗒糖，樣壞壞地，男人不壞女人不愛。
2030：演唱會開騷，欣宜戴住一頂羽毛帽、金色長頭髮、十字架連身上衣、高筒黑boot到大腿，對鞋有少少踭，演出連串快歌，邊跳邊唱，都算靈活。唱《煞科》嗰時自摸身體又同男舞蹈員跳辣身舞，又拗腰，男舞蹈員喺欣宜褲啷穿過，舞步誘惑。接住快歌時高呼everybody make more noise 又叫come on get up，好高漲，見欣宜跳得火熱，身水身汗，唱《大熱》撫摸男dancer時趷籮露出打底褲。唱《你瘦夠了嗎》時又踎底身擘腿，再做出招牌動作，好似凌空一字馬，腿擘開放到近頭位置，佢之前有擔心腳傷做唔到呢個動作，頭先好自如。
|
鍾意就快D Share啦！
|
|
|
