周秀娜（左）VS彭秀慧！
《第37香港電影金像獎頒獎典禮》現正舉行。設計師何國鉦稱有份行紅地氈的顏卓靈有青春本錢，其晚裝能配合她的年紀。何國鉦說：「之前見過顏卓靈出席另一個紅地氈嘅場合，佢好想刻意突出佢青春的一面，但反而覺得唔夠grand、唔夠靚。但今次就唔同，呢套衫好襯佢，一條好簡單tube dress，條裙採用前短後長花花粉紅色嘅設計，襯得佢成個樣好girlish。佢本身都好後生，完全着出佢嘅味道，又切合大會青春嘅主題。鞋都襯得好靚，整體嚟講，好有春天氣息，令人眼前一亮！」
周秀娜VS彭秀慧
另外，何國鉦又指周秀娜和導演彭秀慧的打扮好接近，但因彭秀慧罕有地以性感打扮示人，反而搶了周秀娜的風頭，何國鉦說：「大家都見過周秀娜性感，佢件衫係靚嘅，但拍住彭秀慧時，反而畀彭秀慧搶咗鏡！今次彭秀慧裝扮得好青春，好有夏天嘅氣息，條雪紡裙好飄逸，又係一條跌膊裙，好有少女味！妝容和髮型都好舒服，反而周秀娜有啲成熟咗少少。」
毛舜筠VS張艾嘉
至於講到毛舜筠（Mo姐）與張艾嘉，何國鉦則表示：「覺得Mo姐今次略勝一籌，因為Mo姐套衫好搶眼、好簡約，露膊設計有啲details，青春又高貴大方！原本愈簡約嘅衫愈難carry，但佢有獨特氣質，先至可以carry到咁簡約嘅衫。反而張艾嘉有啲過分causal，似普通去一個晚會，而且比較成熟。」
來源 source: http://hk.on.cc
|
鍾意就快D Share啦！
|
|
|
