原來有啲咁嘅事！
「 陪你去看流星雨，落在這地球上。」一聽到呢首歌，即時毛管戙，啲回憶都返晒嚟！想半年劇集《流星花園》紅極一時，個個追住睇，夠晒經典。而上年仲開拍新一輯嘅《流星花園》，但「杉菜」唔再係大S，F4都唔再係言承旭、周渝民、朱孝天同埋吳建豪，而係一班年輕嘅新進演員。
最近，網上再次掀起重煲《流星花園》熱潮，「杉菜」大S都好有感觸，自爆自己演到一半，就好討厭杉菜呢個角色，佢喺微博留言：「杉菜好賤喔！我討厭她，不會演。導演說服好久，甚麼她還年青不懂感情的事、一個平凡的女孩突然被兩個大帥哥示愛，難免暈頭轉向⋯⋯。總之，我演到一半就不喜歡杉菜了！」佢仲搞笑話《流星花園》係「上輩子的戲」。
而「杉菜」老友「小優」楊丞琳都湊湊熱鬧，佢爆料當年試鏡嘅角色唔係「小優」而係「李真」，仲要第一日開工就被通知要轉角色，最後演咗佢好鍾意嘅角色「小優」，佢仲好感恩話因為呢個角色，開啟咗佢演員之路，佢話：「還記得當時無論走到哪、去到哪，大家都是小優小優的叫，根本沒人知道我的本名是甚麼。但是當時覺得很開心！雖然小優這名字，被叫了好幾年，哈～」
原來有咁多料爆，佢哋唔講出嚟，真係唔知呀，唔講咁多，煲劇先！
來源 source: http://hk.on.cc
|
鍾意就快D Share啦！
|
|
|