掃呢頁CODE去手機

2018年4月27日 星期五

【恨死港女系列】碧咸ig晒合照 羅蘭姐:佢知我係演員 __,碧咸,港女,羅蘭,

【新增回應】萬人迷碧咸(DavidBeckham)殺到澳門!佢於自己嘅Instagram上載遊澳門嘅相,睇嚟係為代言嘅酒店拍廣告。相中仲見到佢攬實羅蘭 ...


【新增回應】

萬人迷碧咸(David Beckham)殺到澳門!佢於自己嘅Instagram上載遊澳門嘅相,睇嚟係為代言嘅酒店拍廣告。相中仲見到佢攬實羅蘭,應該係一齊拍攝,場面相當之溫馨。除咗羅蘭姐,碧咸仲有同一班大媽合照,大媽們都表現興奮。除咗拍攝,都見到佢影咗好多名勝,例如觀音像、天主堂咁,又去咗食葡撻,完全係寄工作於娛樂。

羅蘭姐今日接《蘋果》訪問,佢啱啱先至喺澳門搭船返香港啱,講到萬人迷碧咸喺ig貼咗合照,羅蘭姐話:「我同佢拍金沙集團嘅廣告,我第一次同外國人拍嘢,估唔到第一次就同個咁大粒喎,我都好開心興奮架。佢好靚仔,我睇番佢以前啲相,覺得冇鬚嗰陣仲靚仔㖭。我叫佢同我影張相簽個名,佢即刻話冇問題,好親切,好nice,完全冇架子。」

咁碧咸知唔知你係演員?羅蘭姐話:「佢知,連個外國導演都知,有幾個short個導演仲叫我扮龍婆㖭呀。」

講番今次呢個廣告,羅蘭話:「個故仔係講佢喺澳門條街度比啲壞人同記者追,我見到就叫埋匿入我間屋度避,仲請佢食葡撻㖭,跟住同佢熟咗。事隔10幾年之後,佢再去澳門,想食葡撻,但食唔番以前我整嗰啲味道。佢一路想搵番我,但搵唔到,後來佢搵到我揸的士個孫仔,孫仔就帶佢去我屋企搵我,我同佢講我開咗間葡撻嘅舖頭喺個商場度,跟住我就帶佢去我舖頭食葡撻囉。」

羅蘭姐話佢24號過澳門拍咗3日,今日先返香港,原本以為拍外景時會落雨,點知天公美冇落雨,拍攝過程亦好順利,大家冇乜NG,羅蘭姐話葡「原本我哋預計噚晚要通宵,點知拍到凌晨點兩點已經搞掂。」酬勞方面點?佢話:「冇乜特別,都係平常收嗰啲。」

精選娛聞,喺晒《娛果》

http://fb.com/appledailyent



碧咸與羅蘭合作拍攝。

仲溫馨相擁。

佢又四處遊覽。

仲食葡撻。

鍾意就快D Share啦!