掃呢頁CODE去手機

2018年4月12日 星期四

【搶先開箱】紅色iPhone8現真身 玻璃紅背襯黑面型爆 __,iPhone,

【新增動新聞】早幾天Apple發佈了將會推出紅色的(PRODUCT)RED特別版iPhone8和8+,雖然即日已經可以預訂,但就要4月13日才能見到實 ...


【新增動新聞】

早幾天Apple發佈了將會推出紅色的(PRODUCT)RED 特別版iPhone8和8+,雖然即日已經可以預訂,但就要4月13日才能見到實機真身。不過身為Gadget Guy,我們當然一如以往早一步拿到實機,和大家一同開箱,看看它的真身係咪真係靚仔,值唔值得大家入手?

如果大家有留意的話,或者都會知道上年Apple也推出過紅色的iPhone 7和7+,不過它用的金屬機背,而今次的紅色iPhone 8和8+則是玻璃機背,所以雖然同樣是(PRODUCT)RED,但呈現出來的紅色就有完全不同的感覺。實物可見(PRODUCT)RED iPhone 8的反光效果比iPhone 7高得多,觀感上紅色亦比較濃,有一種跑車的感覺,加上少了天線位,機背整體性更高。個人就覺得今次機背比上代更有型漂亮,不過當然你也要承受玻璃面較易留有指紋的弊病。

除了機背,今次機面其實亦有所不同iPhone 7用的是紅襯白,不過大家反應一般 ,或者Apple都聽到大家的聲音,今次iPhone 8就換上紅襯黑機面,而機側就用上紅色鋁金屬邊框,感覺更出色。比較可惜的是今次紅色iPhone,只有iPhone8和8+,如果可以有埋iPhone X的話,吸引力和回響絕對會更大。

雖然講過唔少次,不過有意義的事一提再提都無妨,其實每一件 (PRODUCT)RED 銷售品部份收益都直接幫助The Global Fund對抗愛滋病。Apple 自從 2006 年與 (RED) 合作以來,已向 The Global Fund 基金捐助超過 1.6 億美元,相當於超過 8 億天的救命抗反轉錄病毒 (ARV) 藥物,可阻止 HIV 病毒從母親體內傳染給未出生的嬰兒。如果心思思想換機,又鍾情紅色,不妨考慮一下,話晒可以當做下善事,叫做多個理由俾自己換新機囉。

記者:韓繼聰

攝影:黃敦為

Gadget Guy一如以往早一步拿到紅色的(PRODUCT)RED 特別版iPhone 8和8+實機,和大家一同開箱,看看它的真身係咪真係靚仔,值唔值得大家入手?
包裝沒大大特別,只是換上紅色機身、蘋果標誌和iPhone字樣。
(PRODUCT)RED iPhone 8因為是玻璃面,反光效果比金屬的iPhone 7高得多,觀感上紅色亦比較濃,有一種跑車的感覺。
機側用上紅色鋁金屬邊框,加上少了天線位,機背整體性更高。
上次iPhone7用的是紅底白面,大家反應一般 ,今次iPhone 8就換上紅襯黑機面,而機側就用上紅色鋁金屬邊框,個人覺得有型得多,你又點睇?
每一件 (PRODUCT)RED 銷售品部份收益都直接幫助The Global Fund對抗愛滋病。
(PRODUCT)RED iPhone 8 / 8+,$5,988起

鍾意就快D Share啦!