掃呢頁CODE去手機

2018年4月4日 星期三

【忘掉我牽掛】同劉浩龍半年前分手?Joey搬竇掃兩億獨立屋 __,Joey,劉浩龍,浩龍,容袓兒,

Joey同劉浩龍拍拖5年,起初Joey唔介意人前晒恩愛,講過想40歲前結婚,愛得大方,不過近排一時傳「借分手為劉浩龍演唱會宣傳」、一時傳「Joey心淡 ...


Joey同劉浩龍拍拖5年,起初Joey唔介意人前晒恩愛,講過想40歲前結婚,愛得大方,不過近排一時傳「借分手為劉浩龍演唱會宣傳」、一時傳「Joey心淡講分手」,Joey出席活動時未有否認分訊,只係叫大家俾啲空間佢哋,今日有周刊爆Joey同劉浩龍半年前已分手,之不過Joey重情義,為咗保護前度,唔想人哋以為佢哋用分手做宣傳,先絕口不提。

據報道稱劉浩龍同Joey熱戀期嗰陣,劉浩龍不時喺Joey位於司徒拔道嘅豪宅出沒,不過分手後,Joey搬咗去市值兩億嘅淺水灣獨立屋住,年頭一班好友去霆鋒屋企開餐,Eason、阿徐、舒淇同君如等在場,劉浩龍同Joey同場都有啲貌合神離,跟住Joey一個人去咗日本獨遊療情傷,此外,報道又指劉浩龍為呢段感情努力過,當初唔想俾人哋話佢使女人錢,堅持AA制,不過Joey係圈中富婆,又係樂壇天后,工作壓力大,當然想出外旅行減壓,Joey平時坐商務,如果同男友去旅行,Joey就轉坐經濟位,點知據Joey閨密向周刊指,出遊太多對男方嚟講都係一種負擔,容媽唔想愛女屈就,加上生活方式夾唔嚟,Joey最終斬情絲。

精選娛聞,喺晒《娛果》

http://fb.com/appledailyent


鍾意就快D Share啦!