關楚耀除咗係「饑饉之星」之外，仲兼任今次活動嘅大會攝影師。
藝人王灝兒（JW）和關楚耀（Kelvin）今日以「饑饉之星」身份到香港仔出席活動開幕禮。二人均表示今次是第二次參與饑饉活動，JW會在營中擺檔義賣一些懷舊玩具：「喺個營度咁多個鐘，等大家可以有啲嘢一齊玩，順便趁機畀大家識吓新朋友，好彩我之前搞演唱會嘅時候已經食細咗個胃，應該可以完成到。（男朋友有來支持？）佢今日有嘢做，不過佢都有支持我。」
熱愛攝影的關楚耀今次兼任大會攝影師：「細細個就已經知道呢個活動，覺得好有意義，只要大家一齊去做就會有力量。今次做埋大會攝影，會幫大家影多啲靚相，依家我去邊都會帶埋『女朋友』，部相機就係我女朋友！今次個營我都會將自己影嘅相印出來做明信片，準備咗郵票等大家可以寫完即刻寄出去。依家儲定多啲相，有諗過搞一個自己嘅畫展。（下次可以幫JW嘅婚禮做攝影師？）佢個樣好似唔係幾想喎！」JW尷尬笑道：「你可以來我生日會影相，我六月生日，哈哈！」
來源 source: http://hk.on.cc
|
鍾意就快D Share啦！
|
|
|
