掃呢頁CODE去手機

2018年4月12日 星期四

怒飛賤男 Khloe計劃遷出愛巢 __,賤男,

Khloe因男友偷食而嬲爆,計劃遷出愛巢。美國NBA球星「孖T」卓斯坦湯臣(TristanThompson)日前被揭發兩度背大肚真人騷女星女友Khlo ...


Khloe因男友偷食而嬲爆,計劃遷出愛巢。


美國NBA球星「孖T」卓斯坦湯臣(Tristan Thompson)日前被揭發兩度背大肚真人騷女星女友Khloe Kardashian偷食,據知臨盆在即的Khloe得悉事件之後大受打擊,有傳她更嬲到以後唔想再見到不忠男友!

據知目前Khloe打算收拾心情專注生女,之後就會搬離位於克里夫蘭州的愛巢搬返洛杉磯舊居與母親Kris Jenner同住。有知情者指Khloe對男友好失望:「佢原本以為好開心可以遇上人生中嘅最愛,直至卓斯坦對佢不忠。佢內心感到不安,佢最大嘅美夢變成佢最唔好嘅噩夢。」有指她想生完B女後搬去同母親住一排然後再作打算。而目前這一刻,她永遠唔想再見到「孖T」,亦唔想他在BB出世時走近她。此外,更有傳Khloe睇完男友與神秘女子入酒店的片段之後突然有初步子宮收縮的跡象,預計隨時早產!據知她的家人已飛往克里夫蘭州陪伴,就連在Turks and Caicos度假中的Kim及Kourtney亦取消假期飛往當地陪伴Khloe生B。有指母親Kris聽到消息之後第一時間上飛機抵達當地。

另方面,日前被影到與「孖T」入酒店「爆房」的女子Stephanie日前除了在社交網放與「孖T」的春宮片之外,亦留言指自己亦懷孕,未知是否被「孖T」搞大咗個肚?!


來源 source: http://hk.on.cc
鍾意就快D Share啦!