網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年4月4日 星期三

回歸初心!基仔浴室開Live吸百萬觀眾 __,基仔,古巨基,

正呀喂!歌手古巨基五月於紅館舉行《WE我們古巨基世界巡迴演唱會香港站特別版》,優先訂購一開全爆,今天公開發售已經加開一場,反應火爆熱烈,為了答謝歌迷, ...


正呀喂!


歌手古巨基五月於紅館舉行《WE我們古巨基世界巡迴演唱會香港站特別版》,優先訂購一開全爆,今天公開發售已經加開一場,反應火爆熱烈,為了答謝歌迷,基仔昨晚於自己的私人工作室中,舉行了兩場線上直播微形音樂會,先是於工作室的浴室之中,跟網友進行了一個「浴室Music Live」,接着於外面廚房位置,舉行「阿基廚房」私人派對,兩個live加起來有超過百萬觀眾同步觀看,非常厲害!

基仔表示,回到他小時候唱歌的初心是源自每晚洗澡邊洗邊唱,所以啟發了昨晚他於工作室之浴室中,舉行了一個非常有趣的「浴室Music Live」,與樂隊齊齊穿上浴袍,自稱是最新組合「浴袍團」㚒band,一小時內吸引了百萬網友同步觀看,網友歌迷瘋狂留言點歌,送花送星星送禮物,短短時間,已讓網友大呼安歌,期盼他的紅館演唱會到來。

歌迷點乜唱乜

基仔隨了唱自己大熱經典金曲之外,還讓歌迷網上即時點播,有歌迷因爲浴室場景就點了范曉萱的卡通健康歌《我愛洗澡》,又有歌迷點《馬桶》,以為可以難倒基仔,但愛唱歌的基仔,簡直點甚麼能唱甚麼,這些題目根本難不到他,但見他於廁所之中,輕輕鬆鬆便把點唱唱完,令歌迷拍案叫絕。

玩完廁所,基仔的一班好朋友周慧敏、雷頌德及雷太、森美都來了現場,跟他一同做另一個開心facebook直播「阿基廚房」,與網友邊吹水聊天,邊唱歌。而基仔很多好友如關心妍,方力申等都有進入他的「臉書」同步觀看及為他打氣,連容祖兒收工後也衝進來支持及點唱《花灑》,短短一個晚上,基仔唱盡不少膾灸人口的經典金曲,每次他一開口唱歌,網友觀看人數就不斷飈升,歌迷為了聽《心跳回憶》,竟然於幾分鐘間,由十三萬人跳到十四萬人,令基仔也嚇呆兼不得不唱。

有埋消夜食

《浴室Music Live》基仔為樂隊準備了浴袍,《阿基廚房Live》基仔又細心為樂隊準備了廚師衫,非常有趣,兼且他請來美女廚神雷太,現場為大家煮雞翼作消夜,令整個工作室,昨晚除了醉人音樂就是美食香味,雷太獨家研制的香蕉蛋糕,更加食到大家神魂癲倒,基仔跟好友邊食邊唱邊爆料,網友大呼好睇過電視綜藝節目。

今年首以「人夫」身份踏上紅館舞台,基仔與太太的新婚生活,何時生B等等,當然就是歌迷網友最關注,好友兼演唱會音樂總監Mark(雷頌德 ) 與基仔相識十多年,昨晚就大爆基仔與老婆,一直地下情令他保守秘密得十分辛苦:「明明覺得,明明知係佢條女啦,連我老婆有次都爆響口話你條女。。。 但係佢兩個都係唔出聲,唔認唔知唔理㗎,搞到我哋一班朋友其實扮唔知都扮得好辛苦,到前幾年,有一日佢突然間話,唔該幫我寫首歌畀Lorraine,我就好開心大笑,問佢,寫咩歌?寫首『最佳助手』呀?基仔先話唔好玩啦,我結婚當時我真係好開心!好啦你終於肯認,以後唔使咁煩,哈哈。」阿Mark爆完忍得辛苦,隨即有網友留言問他 :「咁你係咪同Leon黎明守祕密都守得好辛苦!」十分抵死搞笑。

周慧敏就爆古太與基仔拍拖之後,是有大變化的,因為未拍拖之前的古太平日是會穿短裙仔、低領衫,但拍拖之後就見她大熱天時穿了裙還在裏面再打底多條褲,包到實一實,她說:「我硬係感覺到佢兩個有嘢我識古太重早過基仔。不過我都係同Mark 一樣,扮唔知囉。明明見到古太成個人打扮變晒都唔出聲囉,哈哈。」

爆老婆大鑊

基仔對好友爆自己老婆私隱,一點也不介意,還搞笑爆埋一份:「我冇迫老婆着得密實㗎!當年佢第一次帶我入電台派歌宣傳,佢着露臍裝,成個肚臍畀我睇晒,我睇到眼到凸埋,哈哈。」至於古太成晚被歌迷及網友呼喚,叫她出場講兩句,或者同基仔合唱,不過一向低調又怕醜的她,依舊只是躲起來不肯亮相。

首次於浴室及廚房之中玩直播:「第一次咁樣唱歌,但係玩得好開心呀。幾有feel,我細個沖涼,最鍾意喺廁所大聲唱《上海灘》,哈哈,廁所回音令我覺得自己好似大歌星一樣嘛。」對於短短一小時就有百萬人次觀眾,基仔謂他也嚇一跳,沒想到網上的觀眾瀏覽量這麼大,他說:「希望大家鍾意,睇得開心啦,不過網上見始終不及真正見面,我始終都係期待真正面對面同歌迷唱歌啦,五月大家紅館見最好」

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!


Related Posts Plugin for WordPress, Blogger...